پی ٹی آئی کے حمایت یافتہ امیدوار خرم ذیشان سینیٹ انتخاب میں کامیاب

پاکستان تحریک انصاف (پی ٹی آئی) کے حمایت یافتہ امیدوار خرم ذیشان نے پی ٹی آئی رہنما شبلی فراز کی نااہلی کے بعد خالی ہونے والی نشست پر سینیٹ الیکشن جیت لیا ہے۔

شبلی فراز، جو سینیٹ میں قائد حزب اختلاف تھے، کو 9 مئی 2023 کے فسادات سے متعلق مقدمات میں سزا سنائی گئی تھی اور اس کے بعد الیکشن کمیشن آف پاکستان (ای سی پی) نے انہیں نااہل قرار دے دیا تھا۔

خرم ذیشان نے 91 ووٹ لے کر الیکشن جیتا جبکہ سیٹ جیتنے کے لیے کم از کم 75 ووٹ درکار تھے۔

پی ٹی آئی کی جانب سے اپنے سوشل میڈیا پلیٹ فارم پر شیئر کی گئی ایک دستاویز میں بتایا گیا ہے کہ ریٹرننگ افسر نے پی ٹی آئی کے حمایت یافتہ امیدوار کے سینیٹ کا رکن منتخب ہونے کی تصدیق کردی ہے۔