سندھ اینگرو کول مائننگ کمپنی کو مائننگ ٹیکنالوجی ایکسیلنس میں چار ایوارڈز حاصل

سندھ اینگرو کول مائننگ کمپنی پاکستان کی اولین کوئلہ نکالنے والی کمپنی اور ملک کی کامیاب ترین عوامی و نجی شراکت داریوں میں شامل پاکستان کی پہلی مائننگ کمپنی بن گئی ہےجس نے مائننگ ٹیکنالوجی ایکسیلنس ایوارڈز 2025 میں چار اعزازات حاصل کیے۔

اپنے وژن کے تحت عالمی معیار کی پائیدار مائننگ کمپنی کے طور پر رہنمائی کے عزم سے لیس، ایس ای سی ایم سی کو بزنس ایکسپینشن، انوویشن، سیفٹی اور ماحولیاتی زمرہ جات میں اعزازات سے نوازا گیا۔

یہ ایوارڈز اسٹریٹیجک ترقی، ڈیجیٹلائزیشن، آپریشنل ایکسیلنس، حفاظت اور پائیداری میں کامیابیوں کا اعتراف ہیں۔تھر بلاک II میں 3.8 ملین ٹن سالانہ کی ابتدائی پیداواری صلاحیت کے ساتھ آغاز کرتے ہوئے، ایس ای سی ایم سی نے بتدریج اسے 7.6 ملین ٹن سالانہ تک بڑھایا ہےجس سے پاکستان کی توانائی کے تحفظ میں اضافہ ہوا, اور درآمدی کوئلے پر انحصار کم ہوا۔

کمپنی کے آغاز سے اب تک ملک کو 1.6 ارب امریکی ڈالر سے زائد زرمبادلہ کی بچت ہوئی ہے۔

فیز III کے آغاز کے ساتھ ہی کان کی پیداوار تقریباً 11.2 ملین ٹن سالانہ تک پہنچ جائے گی جس سے تھر کے کوئلے سے پیدا ہونے والی 660 میگاواٹ سستی بجلی کا قومی گرڈ میں اضافہ ہوگا۔

مستقبل میں ایس ای سی ایم سی کا منصوبہ ہے کہ تھر کوئلے کا استعمال بجلی کی پیداوار کے علاوہ، دیگر صنعتوں جیسے سیمنٹ، اسٹیل اور فرٹیلائزر میں کوئلہ گیسفکیشن ٹیکنالوجی کے ذریعے بڑھایا جائے۔

کاپی رائٹ بزنس ریکارڈر 2025