وفاقی حکومت نے عید الاضحیٰ کے موقع پر 4 روزہ سرکاری تعطیلات کا اعلان کیا ہے جو جمعہ 6 جون سے پیر 9 جون تک ہوں گی۔
اس سلسلے میں نوٹیفکیشن کابینہ ڈویژن نے پیر کو جاری کیا ہے، جو پانچ روزہ اور چھ روزہ ورکنگ ہفتے دونوں کے لیے قابلِ اطلاق ہوگا۔
یہ فیصلہ وزیراعظم شہباز شریف کی منظوری سے جاری کیا گیا ہے اور یہ کابینہ ڈویژن کے دسمبر 2024 میں جاری کردہ سرکلر کی تسلسل ہے، جس میں سال 2025 کے لیے سرکاری اور اختیاری تعطیلات کا شیڈول بتایا گیا تھا۔
عید الاضحیٰ جسے عید قربان بھی کہا جاتا ہے، ملک بھر میں مذہبی جوش و جذبے کے ساتھ منائی جانے والی اہم اسلامی تہواروں میں سے ایک ہے۔ یہ موقع پیغمبر حضرت ابراہیم علیہ السلام کی اللہ تعالیٰ کی فرمانبرداری میں اپنے بیٹے حضرت اسماعیل علیہ السلام کو قربان کرنے کی یاد دلاتا ہے۔
مرکزی رویت ہلال کمیٹی نے بدھ کواعلان کیا تھا کہ پاکستان میں ذی الحج کا چاند نہیں دیکھا گیا، اس لیے عید الاضحیٰ بروز ہفتہ 7 جون کو ہوگی۔
ذی الحج 1446 ہجری کا چاند دیکھنے کے لیے مرکزی رویت ہلال کمیٹی کا اجلاس اسلام آباد میں ہوا تھا۔
Comments
Comments are closed.