فیروز 1888 ملز دبئی میں ذیلی کمپنی قائم کریگی

فیروز 1888 ملز لمیٹڈ (ایف ایم ایل)، جو کہ پاکستان کی ایک نمایاں ٹیکسٹائل ایکسپورٹر کمپنی ہے، نے جمعرات کو دبئی میں اپنی مکمل ملکیت والی ذیلی کمپنی قائم کرنے کی منظوری دی۔

کمپنی نے پاکستان اسٹاک ایکسچینج (پی ایس ایکس) کو جاری کردہ نوٹس میں کہا کہ فیروز 1888 ملز لمیٹڈ کے بورڈ آف ڈائریکٹرز نے قانونی اور ضوابطی منظوریوں کے تابع دبئی، یو اے ای میں مکمل ملکیت والی ذیلی کمپنی قائم کرنے کی منظوری دے دی ہے۔

ایف ایم ایل کو پاکستان میں 1972 میں پبلک لمیٹڈ کمپنی کے طور پر رجسٹرڈ کیا گیا تھا اور یہ خصوصی یارن اور ٹیکسٹائل مصنوعات کی تیاری اور برآمد کے کاروبار میں ہے جنہیں باتھ، بیچ اور کچن پروڈکٹس کے زمرے میں تقسیم کیا جاتا ہے۔

کمپنی کی عالمی سطح پر دس سے زائد ممالک میں ایکسپورٹ مارکیٹ موجود ہے اور یہ مقامی مارکیٹ کی ضروریات بھی پوری کرتی ہے۔

ایف ایم ایل کا شراکت دار 1888 ملز (یو ایس اے) ہے اور اس کی مینوفیکچرنگ یونٹس سندھ اور بلوچستان میں واقع ہیں۔

گزشتہ سال دسمبر میں، ایف ایم ایل نے برطانیہ میں بھی ایک مکمل ملکیت والی ذیلی کمپنی قائم کرنے کے منصوبے کا اعلان کیا تھا۔