خیبرپختونخوا میں آپریشنز، نو بھارتی حمایت یافتہ دہشت گرد ہلاک

فوج کے شعبہ تعلقات عامہ (آئی ایس پی آر) نے اتوار کو ایک بیان میں بتایا کہ سیکیورٹی فورسز نے خیبرپختونخوا میں تین مختلف کارروائیوں کے دوران کم از کم نو بھارتی حمایت یافتہ دہشت گردوں کو ہلاک کر دیا ہے۔

آئی ایس پی آر کے مطابق، ڈیرہ اسماعیل خان میں خفیہ اطلاعات کی بنیاد پر آپریشن کیا گیا، جہاں بھارتی حمایت یافتہ دہشت گردوں کی موجودگی کی اطلاع تھی۔

بیان کے مطابق آپریشن کے دوران سیکیورٹی فورسز نے خوارج کے ٹھکانے کو مؤثر انداز میں نشانہ بنایا، اور شدید فائرنگ کے تبادلے کے بعد چار بھارتی حمایت یافتہ خوارج واصل جہنم کیے گئے۔

ٹانک میں بھی ایک اور خفیہ اطلاعات پر مبنی کارروائی کے دوران دو مزید بھارتی حمایت یافتہ دہشت گرد ہلاک کیے گئے۔

آئی ایس پی آر کے مطابق تیسری جھڑپ خیبر ضلع کے عمومی علاقے باغ میں ہوئی، جہاں فورسز نے تین مزید دہشت گردوں کو کامیابی سے انجام تک پہنچایا۔

مارے گئے دہشت گردوں کے قبضے سے اسلحہ اور گولہ بارود بھی برآمد کیا گیا ہے، جو ان علاقوں میں مختلف دہشت گردانہ سرگرمیوں میں ملوث رہے تھے۔

مزید کسی دہشت گرد کی موجودگی کو ختم کرنے کے لیے علاقے میں کلیئرنس (سینیٹائزیشن) آپریشنز بھی کیے گئے، کیونکہ سیکیورٹی فورسز اس عزم کا اظہار کر چکی ہیں کہ وہ ملک سے بھارتی سرپرستی میں دہشت گردی کے ناسور کو جڑ سے اکھاڑ پھینکیں گی۔