پاکستان میں فی تولہ سونے کی قیمت 3100 روپے بڑھ گئی

بین الاقوامی بلین مارکیٹ میں سونے کی قیمتوں میں اضافے کے بعد ہفتے کو پاکستان میں بھی سونے کی قیمتوں میں اضافہ ریکارڈ کیا گیا ہے۔ مقامی مارکیٹ میں فی تولہ سونے کی قیمت 3,100 روپے بڑھ کر 3,54,100 روپے تک پہنچ گئی۔

آل پاکستان جیمز اینڈ جیولرز سرافہ ایسوسی ایشن (اے پی جی ایس اے) کے مطابق 10 گرام سونے کی قیمت 2,658 روپے اضافے کے بعد 3,03,583 روپے ہوگئی۔

تاجروں کا کہنا ہے کہ جمعے کو سونے کی قیمتوں میں زبردست بحالی دیکھی گئی اور عالمی مارکیٹ میں تیزی سے اضافے کے ساتھ دوبارہ 3,300 ڈالر فی اونس کی قیمت سے تجاوز کر گئیں۔

عالمی مارکیٹ میں فی اونس سونے کی قیمت 35 ڈالر بڑھ کر 3,326 ڈالر تک پہنچی۔ اس کے نتیجے میں مقامی مارکیٹ میں سونے کی قیمت فی تولہ 3,500 روپے اور 10 گرام سونے کی قیمت 3,000 روپے بڑھی۔

آل پاکستان سرافہ جیمز اینڈ جیولرز ایسوسی ایشن کے مطابق اس اضافے کے بعد قیمتی دھات (سونا) کی فی تولہ 3,51,000 روپے اور 10 گرام کی قیمت 3,00,925 روپے ہوئی۔