فیول چارجز ایڈجسٹمنٹ، نیپرا نے 3.64 روپے فی یونٹ کمی کردی

نیشنل الیکٹرک پاور ریگولیٹری اتھارٹی (نیپرا) نے فروری 2025 کے لیے کے-الیکٹرک کی جانب سے درخواست کردہ عارضی ماہانہ فیول چارجز ایڈجسٹمنٹ (ایف سی اے) پر فیصلہ جاری کر دیا ہے، جس کے تحت صارفین کو 3.64 روپے فی یونٹ کا ریلیف دیا گیا ہے۔ یہ کمی مئی 2025 کے بجلی بلوں میں منتقل کی جائے گی۔

کے-الیکٹرک کے مطابق، نیپرا نے جزوی لوڈ، اوپن سائیکل، ڈیگریڈیشن کرفز اور اسٹارٹ اپ لاگت سے متعلق ایڈجسٹمنٹس کی مد میں 3 ارب روپے کی رقم فی الوقت روک لی ہے۔ یہ اقدام نیپرا کی جانب سے جولائی 2023 سے شروع ہونے والی کنٹرول مدت کے لیے جنریشن ٹیرف کے فیصلے کے تحت کیا گیا ہے، تاکہ ان اخراجات کو کے-الیکٹرک کے زیر التوا دعوئوں میں ایڈجسٹ کیا جا سکے اور صارفین پر بعد میں اضافی بوجھ نہ پڑے۔

فیول چارجز ایڈجسٹمنٹس کا اطلاق اس وقت ہوتا ہے جب بجلی پیدا کرنے کے لیے استعمال ہونے والے ایندھن کی عالمی قیمتوں یا پیداواری امتزاج میں تبدیلی آئے۔ یہ لاگت نیپرا کی جانچ پڑتال اور منظوری کے بعد صارفین کے بلوں میں شامل کی جاتی ہے۔

اگر عالمی سطح پر فیول کی قیمتیں کم ہوں، تو صارفین کو منفی ایف سی اے کی صورت میں فائدہ بھی حاصل ہوتا ہے۔ صارفین سے وصول کی جانے والی بجلی کی قیمتوں کا تعین نیپرا کرتی ہے، جبکہ نوٹیفکیشن وفاقی حکومت جاری کرتی ہے۔

نیپرا کے فیصلے کے مطابق، یہ ایف سی اے تمام صارفین پر لاگو ہو گا، سوائے لائف لائن صارفین، گھریلو محفوظ صارفین، الیکٹرک وہیکل چارجنگ اسٹیشنز ، اور ان تمام کیٹیگریز کے پری پیڈ صارفین کے جنہوں نے پری پیڈ ٹیرف اختیار کر رکھا ہے۔

کاپی رائٹ بزنس ریکارڈر، 2025