پاکستان بحریہ کی اینٹی ایئرسٹرائیک/ایریا ڈینائل حکمت عملی نے بھارتی طیارہ بردار جہاز کو پسپائی پر مجبور کر دیا، کیونکہ بھارت نے اپنے آئی این ایس وکرانت کو واپس بلا لیا جو پہلے آئی این ایس کدمبہ نیول بیس، کرور، کرناٹکا میں پاکستان کی سرحد کے قریب موجود تھا۔
حالیہ سیٹلائٹ تصاویر کے مطابق، بھارتی طیارہ بردار جہاز آئی این ایس وکرانت اچانک بھارتی پورٹ کرور پر واپس پہنچ گیا۔ آئی این ایس وکرانت صرف چند دن سمندر میں تھا۔ بھارتی بحریہ کے مطابق، آئی این ایس وکرانت کو حالیہ کشیدگی کے پیش نظر بحیرہ عرب میں تعینات کیا گیا تھا۔
بھارتی حکومت نے 23 اپریل 2025 کو آئی این ایس وکرانت کو پاکستانی سمندری حدود کے قریب شمالی عربی سمندر میں تعینات کیا تھا۔ تاہم، پاکستان بحریہ کی مسلسل گشت اور موجودگی کی وجہ سے بھارتی بحریہ نے طیارہ بردار جہاز کو واپس بلا لیا۔
حالیہ سیٹلائٹ انٹیلی جنس (آئی ایم آئی این ٹی) تصاویر کے مطابق، 26 اپریل 2025 کو آئی این ایس وکرانت کرور پورٹ پر دوبارہ لنگر انداز ہو چکا ہے۔ 23 اپریل 2025 کو لی گئی سیٹلائٹ تصاویر میں آئی این ایس وکرانت کوبحیرہ عرب کے کھلے پانیوں کی طرف بڑھتے ہوئے دیکھا گیا۔ بھارتی میڈیا اور سوشل میڈیا نے آئی این ایس وکرانت کی تعیناتی پر ہلچل مچائی۔ ایک طیارہ بردار جہاز کو صرف چند دنوں کے لیے کھلے سمندر میں تعینات نہیں کیا جاتا۔ اگر پاکستان بحریہ کے ”کیریئر کلر“ میزائل سسٹم فعال ہوں، تو پسپائی ہی محفوظ آپشن ہے۔
Comments
Comments are closed.