مرغی، چینی، انڈے سستے، پیاز اور ٹماٹر مہنگا ہوگیا

بزنس ریکارڈر کی طرف سے اتوار کو پشاور میں کرائے گئے ایک سروے کے مطابق اوپن مارکیٹ میں مرغی، گوشت، آٹا، سبزیوں، گھی، دالوں اور دیگر ضروری اشیاء کی قیمتوں میں ملا جلا رجحان دیکھنے میں آیا۔

بزنس ریکارڈر کے سروے کے مطابق زندہ مرغی کی قیمت میں کمی واقع ہوئی ہے جو اب 475 روپے فی کلو کے حساب سے فروخت ہو رہی ہے، جبکہ پہلے یہ 550 روپے فی کلو میں دستیاب تھی۔ انڈوں کی قیمت بھی کم ہوکر 260 روپے فی درجن ہو گئی ہے، جو پہلے 300 روپے فی درجن تھی۔

بیف کی قیمت 1100 روپے فی کلو جبکہ بون لیس گوشت 1300 روپے فی کلو میں فروخت ہو رہا ہے، حالانکہ انتظامیہ نے قیمت 800 تا 900 روپے مقرر کی ہے۔ مٹن کی قیمت 2500 روپے فی کلو تک جا پہنچی ہے۔

گھی اور کوکنگ آئل کی قیمتوں میں استحکام رہا، جبکہ چینی کی قیمت میں معمولی کمی آئی ہے اور اب یہ 165 روپے فی کلو میں دستیاب ہے۔

ٹماٹر کی قیمت بڑھ کر 100 روپے فی کلو ہو گئی ہے، پیاز 150 روپے فی کلو میں فروخت ہو رہا ہے جو پہلے 100 روپے تھا۔ ہری مرچ 120 تا 150 روپے، بھنڈی 200 روپے، شملہ مرچ 150 روپے، بینگن 100 روپے، لیموں 200 روپے فی کلو میں دستیاب ہیں۔

20 کلو آٹے کے تھیلے کی قیمت 1750 تا 1900 روپے برقرار رہی۔ میدہ، سوجی، چوکر اور دیگر آٹا مصنوعات کی قیمتیں بدستور بلند سطح پر ہیں۔

دالوں کی قیمتوں میں بھی ملا جلا رجحان دیکھنے میں آیا۔ دال ماش 480، دال مسور 320، مونگ 360، چنا دال 320 روپے فی کلو تک پہنچ گئی۔

چائے 1400 تا 1500 روپے فی کلو، سیلا چاول 320 روپے، کم معیار کا چاول 300 اور ٹوٹا چاول 180 تا 200 روپے فی کلو میں دستیاب ہے۔

فروٹس میں سیب 250 تا 500، کیلا 200 تا 250 فی درجن، انار 400 تا 500، اور امرود 250 تا 300 روپے فی کلو میں فروخت ہو رہا ہے۔

کاپی رائٹ بزنس ریکارڈر، 2025