ایف بی آر کا صنعتی شعبے کی پیداوار مانیٹر کرنے کا فیصلہ

فیڈرل بورڈ آف ریونیو (ایف بی آر) نے مینوفیکچررز کو ہدایت دی ہے کہ وہ اپنے کاروباری مقام سے مال اس وقت تک نہ نکالیں جب تک کہ تیار شدہ مصنوعات کی تیاری ویڈیو نگرانی یا ڈیجیٹل آئی کے تحت مانیٹرنگ کے عمل سے نہ گزرے۔

اس سلسلے میں ایف بی آر مخصوص مال جیسے تمباکو، چینی، سیمنٹ، اسٹیل، کھاد اور دیگر مصنوعات کی تیاری کو مینوفیکچررز کے کاروباری مقامات پر ویڈیو نگرانی کے ذریعے سختی سے مانیٹر کرے گا۔

ایف بی آر نے سیلز ٹیکس رولز میں ترمیم کے لیے ایس آر او 364 (آئی) 2025 جاری کر دیا ہے۔ نئے قواعد کے مطابق مخصوص اشیاء کی مینوفیکچرنگ میں مصروف کوئی بھی شخص اپنے کاروباری احاطے سے پیداوار کو اس وقت تک نہیں ہٹا سکے گا جب تک کہ وہ ان قوانین کے تحت پیداوار کی نگرانی کے عمل سے نہ گزرے۔

ڈیجیٹل آئی سے مراد بورڈ کا سافٹ ویئر ہے ، جو مخصوص اشیاء کے طرز عمل یا رویوں کی شناخت کرنے کے لئے استعمال کیا جاسکتا ہے اور جسے ویڈیو فوٹیج میں پروڈکشن کی گنتی کو ریکارڈ کرنے اور کیپچر کرنے کے لئے استعمال کیا جاسکتا ہے۔

پاکستان میں تیار کردہ مخصوص مال کی پیداوار ویڈیو نگرانی، ویڈیو اینالیٹکس سلوشن اور ڈیجیٹل آئی کے ذریعے مانیٹر کی جائے گی، جس کے لیے پیداوار کی لائنوں پر ایسے آلات نصب کیے جائیں گے جو بورڈ کی منظوری سے پیداوار کے عمل کی حقیقی وقت میں نگرانی کریں گے اور پیداوار کی گنتی اور شناخت کے ذریعے ڈیٹا جمع کریں گے۔

یہ نظام ڈیٹا کو حقیقی وقت میں بورڈ کے مرکزی کنٹرول یونٹ کو منتقل کرنے، ڈیٹا کا ذخیرہ اور آرکائیو کرنے، غیر متوقع رکنے کی شناخت، پیداوار کی مقداری تجزیہ اور ضروری قانونی اقدامات کے لیے ڈیٹا اینالیٹکس میں مشغول ہوگا۔

کاپی رائٹ بزنس ریکارڈر، 2025