اسٹیٹ بینک آف پاکستان بینکنگ سروسز کارپوریشن (ایس بی پی بی ایس سی) ڈیرہ اسماعیل خان اور گومل یونیورسٹی کے درمیان مالی تعاون کے فروغ کے لیے مفاہمتی یادداشت پر دستخط کیے گئے۔
معاہدے پر ایس بی پی بی ایس سی کے چیف منیجر رومان علی اور گومل یونیورسٹی کے رجسٹرار زاہد شاہ مروت نے دستخط کیے۔
اس تعاون کے تحت اسٹیٹ بینک آف پاکستان بینکنگ سروسز کارپوریشن (ایس بی پی بی ایس سی) گومل یونیورسٹی کو اسلامی بینکنگ کے کورسز متعارف کرانے میں معاونت فراہم کرے گا جس کے نتیجے میں اسلامی بینکنگ میں ڈپلومہ اور اس شعبے میں بیچلر ڈگری پروگرام کا آغاز کیا جائے گا۔
یہ شراکت داری مالیاتی خواندگی کے فروغ اور اسلامی بینکاری کی تعلیم کے فروغ کی جانب ایک اہم قدم ہے۔
Comments
Comments are closed.