پاکستان کرکٹ بورڈ (پی سی بی) نے آل راؤنڈر سلمان علی آغا کو دورہ نیوزی لینڈ کے لیے نیا ٹی ٹوئنٹی کپتان مقرر کردیا ہے۔
اس بات کا اعلان قومی کرکٹ ٹیم کے عبوری ہیڈ کوچ عاقب جاوید نے لاہور میں پریس کانفرنس کے دوران کیا۔
عاقب جاوید نے شاداب خان کی ٹیم میں واپسی کا بھی اعلان کیا۔ وہ آئندہ غیر ملکی دورے کے لئے سلمان آغا کے نائب کی حیثیت سے خدمات انجام دیں گے۔
پاکستان نے سابق کپتان محمد رضوان اور بابر اعظم کو ٹی ٹوئنٹی اسکواڈ سے ڈراپ کر دیا ہے۔
پریس کانفرنس سے خطاب کرتے ہوئے عاقب جاوید کا کہنا تھا کہ اس کی وجہ سوچ میں تبدیلی ہے اور بورڈ نوجوانوں کو اپنی صلاحیت کا اظہار کرنے کا موقع دینا چاہتا ہے۔
فاسٹ بولر نسیم شاہ اور محمد حسنین کو بھی ٹی ٹوئنٹی اسکواڈ سے ڈراپ کردیا گیا ہے۔ ان کی جگہ جہانداد خان اور محمد علی کو ٹیم میں شامل کیا گیا ہے۔
نیوزی لینڈ کے لیے قومی ٹی ٹوئنٹی اسکواڈ سلمان علی آغا (کپتان)، شاداب خان (نائب کپتان)، عبدالصمد، ابرار احمد، حارث رؤف، حسن نواز، جہانداد خان، خوشدل شاہ، محمد عباس آفریدی، محمد علی، محمد حارث، محمد عرفان خان، عمیر بن یوسف، شاہین شاہ آفریدی، سفیان مقیم اور عثمان خان۔
پاکستان نے ون ڈے اسکواڈ میں تبدیلی نہ کرنے کا فیصلہ کیا ہے ، حالانکہ چیمپیئنز ٹرافی کی شکست کے بعد تبدیلی کی توقع کی جارہی تھی ، رضوان کو کپتانی برقرار رکھی گئی ہے ، اور سلمان ان کے نائب ہوں گے۔
50 اوورز کے اسکواڈ میں سفیان مقیم، محمد وسیم جونیئر اور عرفان خان کو شامل کیا گیا ہے۔
دورہ نیوزی لینڈ کیلئے قومی ون ڈے اسکواڈ محمد رضوان (کپتان)، سلمان علی آغا(نائب کپتان)، عبداللہ شفیق، ابرار احمد، عاکف جاوید، بابر اعظم، فہیم اشرف، امام الحق، خوشدل شاہ، محمد علی، محمد وسیم، محمد عرفان خان، نسیم شاہ، سفیان مقیم اور طیب طاہر۔
ٹی 20 انٹرنیشنل کے بعد ایک وکٹ کیپر / بلے باز کو ون ڈے اسکواڈ میں شامل کیا جائے گا۔
Comments
Comments are closed.