ہاؤسنگ فنانس منصوبے پر عمل درآمد اطمینان بخش ہے، عالمی بینک

عالمی بینک کا کہنا ہے کہ پاکستان ہاؤسنگ فنانس پروجیکٹ پر عملدرآمد کی پیش رفت، جس کا مقصد گھرانوں کے لیے ہاؤسنگ فنانس تک رسائی میں اضافہ اور کیپٹل مارکیٹ کی ترقی میں مدد فراہم کرنا ہے، اطمینان بخش ہے۔

بینک نے اپنی ”عملدرآمد کی صورتحال اور نتائج کی رپورٹ“ میں کہا ہے کہ یہ منصوبہ اپنے ترقیاتی مقاصد کے حصول کی راہ پر گامزن ہے اور اس پر عمل درآمد کی پیش رفت تسلی بخش ہے۔

اعلامیے میں مزید کہا گیا ہے کہ پاکستان مورگیج ری فنانس کمپنی (پی ایم آر سی) کو منصوبے کے پہلے حصے کے تحت اپنے سرمائے کی بنیاد کو مضبوط بنانے اور آپریشنل بنانے میں مدد کے لیے 60 ملین ڈالر فراہم کیے گئے۔

اس کے علاوہ کم اور متوسط آمدنی والے گھرانوں کے لیے رعایتی اور طویل مدتی قرضوں کے اجراء کے لیے 70 ملین ڈالر کے قرضے، پائلٹ رسک شیئرنگ سہولت (آر ایس ایف) کے لیے 10 ملین ڈالر اور کمپوننٹ 2 کے تحت آر ایس ایف کے لیے 25 ملین ڈالر کی رقم نے پی ایم آر سی کو پاکستان میں ہاؤسنگ فنانس سیکٹر کا مرکزی ستون بننے کے قابل بنایا ہے۔ رپورٹ میں مزید کہا گیا ہے کہ ملک میں ہاؤسنگ فنانس کا حصہ 15 فیصد ہے، جبکہ کم آمدنی والے گھرانوں کے لئے ہاؤسنگ فنانس تک رسائی میں اضافہ ہوا ہے۔

کاپی رائٹ بزنس ریکارڈر، 2025