او جی ڈی سی ایل نے لکی مروت سے تیل و گیس کی پیداوار شروع کردی

آئل اینڈ گیس ڈیولپمنٹ کمپنی لمیٹڈ (او جی ڈی سی ایل) نے خیبر پختونخوا کے ضلع لکی مروت میں بیتانی-2 کے کنویں سے تیل و گیس کی پیداوار کا آغاز کر دیا ہے۔

لسٹڈ کمپنی نے جمعہ کو پاکستان اسٹاک ایکسچینج (پی ایس ایکس) کو اپنے نوٹس میں اس پیش رفت سے آگاہ کیا۔

“بیتانی-02 کنویں میں سمنسک فارمیشن میں گیس کنڈینسیٹ کی دریافت کے حوالے سے او جی ڈی سی ایل نے جو کہ ولی ایکسپلوریشن لائسنس کا آپریٹر ہے اور اس میں 100فیصد ورکنگ انٹرسٹ رکھتا ہے، خیبر پختونخوا کے لکی مروت ضلع میں بیتانی-2 ایپریزل ویل سے پیداوار کامیابی کے ساتھ شروع کردی ہے۔

نوٹس میں کہا گیا کہ کاوا گڑھ فارمیشن میں تکمیل کے بعد کنواں فی الحال 8.5 ملین معیاری مکعب فٹ (ایم ایم ایس سی ایف ڈی) گیس اور 610 بیرل یومیہ (بی پی ڈی) تیل پیدا کررہا ہے۔

او جی ڈی سی ایل نے بتایا کہ پیدا شدہ گیس کو اس کے بیتانی پروسیسنگ پلانٹ میں پروسیس کیا جارہا ہے اور تقسیم کے لئے ایس این جی پی ایل نیٹ ورک میں انجکٹ کیا جارہا ہے ۔

یہ کامیابی او جی ڈی سی ایل کی جدید تلاش اور پیداوار کے عزم کی عکاسی کرتی ہے اور توانائی شعبے میں اس کی قیادت کو مضبوط کرتی ہے۔ کمپنی پائیدار ترقی اور آپریشنل ایکسیلینس کے لئے وقف ہے، جو پاکستان کی توانائی کے تحفظ اور اقتصادی ترقی میں کردار ادا کرتی ہے۔

یاد رہے کہ گزشتہ ہفتے او جی ڈی سی ایل نے سندھ کے ضلع حیدرآباد میں اپنے کنڑ آئل فیلڈ میں پیداوار بڑھانے کا اعلان کیا تھا۔

پاکستان کی سب سے بڑی ای اینڈ پی کمپنی کی حیثیت سے او جی ڈی سی ایل ایکسپلوریشن، ڈرلنگ، پروڈکشن، ریزروائر مینجمنٹ اور انجینئرنگ سپورٹ پر مشتمل آپریشنز کی نگرانی کرتی ہے۔

ای اینڈ پی کے پاس پاکستان میں سب سے زیادہ وسیع پیمانے پر تلاش کا رقبہ ہے، جو ملک کے کل رقبے کے 40 فیصد سے زیادہ پر محیط ہے ۔