درآمدی ایل این جی: ایس ایس جی سی صارفین کے لیے قیمتوں میں اضافہ، ایس این جی پی ایل کیلئے کٹوتی

آئل اینڈ گیس ریگولیٹری اتھارٹی (اوگرا) نے سوئی سدرن گیس کمپنی (ایس ایس جی سی) کے صارفین کے لیے درآمدی ایل این جی کی قیمتوں میں اضافہ کردیا جبکہ سوئی ناردرن گیس پائپ لائنز لمیٹڈ (ایس این جی پی ایل) کے لیے جنوری 2025 کے لیے ایل این جی کی قیمتوں میں کمی کی گئی۔

سوئی سدرن گیس کمپنی (ایس ایس جی سی) کے لیے ماہانہ بنیاد پر ایل این جی کی قیمت میں 0.0468 ڈالرفی ایم ایم بی ٹی یو یعنی 0.44 فیصد اضافہ ہوا ہے، جس کے تحت دسمبر میں 10.5415 ڈالرسے بڑھ کر جنوری میں 10.5883 ڈالرفی ایم ایم بی ٹی یو ہوگئی ہے۔ تقسیم کے مرحلے میں بھی قیمت میں اضافہ ہوا ہے، جو 12.5456 ڈالر سے بڑھ کر 12.6014 ڈالر فی ایم ایم بی ٹی یو یعنی گزشتہ ماہ کے مقابلے میں 45 فیصد ہو گیا ہے۔

سوئی ناردرن گیس پائپ لائنز لمیٹڈ (ایس این جی پی ایل) کے صارفین کیلئے قیمت میں 1.98 فیصد یا 0.2371 ڈالر فی ایم ایم بی ٹی یو کی کمی ہوئی ہے جو کہ ترسیل کے مرحلے میں 11.9659 ڈالر سے کم ہوکر 11.7288 ڈالر فی ایم ایم بی ٹی یو ہوگئی ہے جب کہ تقسیم کے مرحلے میں بھی قیمت 12.8997 ڈالر سے کم ہو کر 12.6667 ڈالر فی ایم ایم بی ٹی یو ہوگئی ہے۔

ایس این جی پی ایل (ٹرانسمیشن اور ڈسٹری بیوشن) کی آر ایل این جی قیمت میں کمی کی وجہ آر ایل این جی فروخت کی قیمت میں شامل قیمت کے فرق میں کمی ہے۔ تاہم، آر ایل این جی ایس ایس جی سی ایل کی قیمت (ٹرانسمیشن اور ڈسٹری بیوشن) میں معمولی اضافہ ڈی ای ایس (ڈلیوری ایکس شپ) کی قیمت میں معمولی اضافے کی وجہ سے ہے۔

کاپی رائٹ بزنس ریکارڈر، 2025