ڈالر کے مقابلے میں روپے کی قدر میں معمولی کمی

انٹربینک مارکیٹ میں جمعے کے کاروباری روز امریکی ڈالر کے مقابلے میں پاکستانی روپے کی قدر میں 0.04 فیصد کمی واقع ہوئی ہے۔

کاروبار کے اختتام پر ڈالر کے مقابلے میں قدر 10 پیسے بڑھنے کے بعد روپیہ 278 روپے 47 پیسے پر بند ہوا۔

اسٹیٹ بینک آف پاکستان (ایس بی پی) کے مطابق جمعرات کو روپیہ 278.37 روپے پر بند ہوا تھا۔

بین الاقوامی سطح پر جاپانی ین جمعہ کو ڈالر کے مقابلے میں پانچ ماہ کی کم ترین سطح کے قریب پہنچ گیا کیونکہ امریکی فیڈرل ریزرو کی جانب سے پالیسی کو مزید سخت کرنے کے حوالے سے بینک آف جاپان کے محتاط رویے کے برعکس سخت پیغام جاری کیا گیا۔

ین 157.725 فی ڈالر پر ٹریڈ کر رہا ہے جو جمعرات کے مقابلے میں 0.1 فیصد زیادہ ہے لیکن اس سیشن کی کم ترین سطح 158.09 روپے فی ڈالر کے قریب ہے جو 17 جولائی کے بعد ین کی کمزور ترین سطح ہے۔

امریکی ڈالر انڈیکس 108.09 پر مستحکم رہا اور بنیادی طور پر پورے ہفتے اس سطح کے آس پاس ہولڈنگ پیٹرن میں رہا۔ اس مہینے کے لئے، یہ 2.2 فیصد بڑھ گیا ہے۔

کرسمس اور نئے سال کے دوران کئی تاجر چھٹی پر ہوتے ہیں۔

معروف کرپٹوکرنسی بٹ کوائن اس وقت 95,660 ڈالر کی سطح پر مستحکم ہے، اس ماہ اس کی قدر میں 1.2 فیصد کمی ہوئی ہے تاہم یہ 17 دسمبر کو 108,379.28 ڈالر کی ریکارڈ بلند ترین سطح تک پہنچ گیا تھا۔ رواں سال اب تک اس میں تقریباً 125 فیصد اضافہ دیکھنے میں آیا ہے۔