بھارتی طیاروں پر پاکستانی فضائی حدود کی پابندی میں 24 ستمبر تک توسیع
- ان پابندیوں کے باعث اب تک لاکھوں ڈالر کا اضافی مالی بوجھ پڑ چکا ہے
پاکستان نے بدھ کو بھارتی رجسٹرڈ طیاروں کے لیے موجودہ فضائی حدود کی پابندی میں مزید توسیع کرتے ہوئے اسے 24 ستمبر 2026 تک برقرار رکھنے کا فیصلہ کیا ہے۔
ایک نوٹیفکیشن کے مطابق فضائی حدود کی پابندی کا اطلاق بھارتی ایئرلائنز/آپریٹرز کے زیرِ انتظام، ملکیتی یا لیز پر لیے گئے طیاروں، بشمول فوجی پروازوں پر بھی ہوگا۔
پاکستان نے ابتدائی طور پر یہ فضائی پابندیاں 2025 میں بھارت کے مقبوضہ جموں و کشمیر کے علاقے پہلگام میں حملے کے بعد بھارت کے ساتھ بڑھتی ہوئی کشیدگی کے دوران عائد کی تھیں۔
ان پابندیوں کے باعث اب تک لاکھوں ڈالر کا اضافی مالی بوجھ پڑ چکا ہے، کیونکہ بھارتی ایئرلائنز کو متبادل فضائی راستے اختیار کرنا پڑتے ہیں، جس سے بھارت اور یورپ، مشرق وسطیٰ اور وسطی ایشیا کے درمیان پروازوں کے دورانیے اور ایندھن کے اخراجات میں اضافہ ہوتا ہے۔
فضائی حدود کی پابندی میں اس کے بعد کئی مرتبہ توسیع کی جاچکی ہے، جبکہ تازہ ترین توسیع سے ظاہر ہوتا ہے کہ یہ پابندی مزید ایک ماہ تک برقرار رہے گی۔
گزشتہ ماہ پاکستان نے بھارتی رجسٹرڈ طیاروں پر اپنی فضائی حدود استعمال کرنے کی پابندی میں 24 اگست تک توسیع کی تھی۔