کھیل
بھارت کے 462 رنز کے جواب میں سری لنکا کے 5 وکٹوں پر 99 رنز
- 460 رنز 9 کھلاڑی آؤٹ سے دوبارہ اننگز شروع کرنے والی بھارتی ٹیم نے پہلے ہی اوور میں اپنی آخری وکٹ بھی گنوا دی
پہلے ٹیسٹ کے تیسرے روز سری لنکا نے بھارت کے پہلی اننگز کے 462 رنز کے جواب میں کھانے کے وقفے تک 5 وکٹوں کے نقصان پر 99 رنز بنالیے۔
460 رنز 9 کھلاڑی آؤٹ سے اننگز دوبارہ شروع کرنے والی بھارتی ٹیم نے پہلے ہی اوور میں اپنی آخری وکٹ گنوا دی۔بھارتی فاسٹ بولر محمد سراج نے پہلے ہی اوور میں سری لنکا کے اوپنر نشن فرنینڈو کو بغیر کوئی رن بنائے آؤٹ کردیا۔
اسپنر مانَو سُتھار نے اپنی پہلے ہی گیند پر دنیش چندیمل کو 5 رنز پر وکٹوں کے پیچھے کیچ کرایا، جبکہ انہوں نے لہیرو اودارا کو بھی 27 رنز پر پویلین بھیج دیا۔
بھارتی کپتان شبمن گل نے ایکسٹرا کور پر بائیں ہاتھ سے ڈائیو لگاتے ہوئے شاندار کیچ پکڑ کر کمیندو مینڈس کو 14 رنز پر آؤٹ کیا۔
سری لنکا کو بھارت کی پہلی اننگز کا اسکور برابر کرنے کے لیے مزید 363 رنز درکار ہیں۔