ریٹائرمنٹ کا فیصلہ لیونل میسی خود کریں گے, ارجنٹائن فٹ بال صدر

ورلڈ کپ میں لیونل میسی کی شاندار کارکردگی دیکھنے کے بعد ارجنٹائن فٹ بال ایسوسی ایشن کے صدر تاریخ کے اس عظیم کھلاڑی کو ریٹائر کرنے کے لیے بالکل بھی جلدی میں نہیں ہیں۔

ارجنٹائن کے ایک ٹی وی انٹرویو میں کلاڈیو ”چیکی“ تاپیا نے کہا کہ میسی ہی واحد شخص ہیں جو یہ فیصلہ کریں گے کہ وہ فٹ بال کو کب خیرباد کہیں گے۔

تاپیا نے کہا یہ مکمل طور پر ان کا ذاتی فیصلہ ہے۔ آپ کو انہیں سکون سے رہنے دینا چاہیے۔ 2022 میں ہمیں معلوم نہیں تھا کہ وہ 2026 میں کھیلیں گے یا نہیں۔ انہوں نے کہا تھا کہ وہ میچ بائی میچ آگے بڑھیں گے اور میرا خیال ہے کہ ہم نے ورلڈ کپ میں لیو کا ایک بہترین بلکہ شاید اب تک کا سب سے شاندار روپ دیکھا ہے۔انہوں نے مزید کہا آپ کو انہیں مزید فٹ بال سے لطف اندوز ہونے دینا چاہیے اور اس کے بعد وہ وہی فیصلہ کریں گے جو انہیں درست لگے گا۔

میسی جنہوں نے 24 جون کو اپنی 39 ویں سالگرہ منائی، ورلڈ کپ کے گروپ اسٹیج میں آسٹریا کے خلاف دو گول کرنے کے دو دن بعد نے اس بات کا کوئی اشارہ نہیں دیا کہ وہ بین الاقوامی فٹ بال سے کب ریٹائر ہوں گے یا ایم ایل ایس میں انٹر میامی کے لیے مزید کتنا وقت کھیلیں گے۔

جیسا کہ تاپیا نے نشاندہی کی، قطر میں فرانس کے خلاف 2022 کا ٹائٹل جیتنے کے بعد 2026 کے ٹورنامنٹ میں میسی کی شرکت یقینی نہیں تھی۔ لیکن میسی نے اس گرمائی سیزن میں اپنا بہترین کھیل پیش کیا اور ارجنٹائن کے لیے 8 گول اور 4 اسسٹز کا شاندار ریکارڈ بنایا۔

امریکہ میں کھیلے گئے ورلڈ کپ کے فائنل میں ارجنٹائن کو اضافی وقت میں اسپین کے ہاتھوں 1-0 سے شکست کا سامنا کرنا پڑا۔

میسی میيروسلاو کلوز کا ورلڈ کپ کیریئر کے 16 گولز کا ریکارڈ توڑنے والے پہلے کھلاڑی بنے؛ تاہم فرانسیسی سپر اسٹار کیلیان ایمباپے نے ٹورنامنٹ کا اختتام 22 گولز کے ساتھ کیا اور میسی سے ایک گول آگے نکل گئے۔