پہلے ہی میچ میں فتح سے ٹیم کا دباؤ ختم ہو گیا، کوچ اسکاٹ لینڈ

اسکاٹ لینڈ نے ورلڈ کپ کے افتتاحی میچ میں ہیٹی کو 1-0 سے ہرا کر 1982 کے بعد کسی بڑے ٹورنامنٹ میں اپنی پہلی کِک آف فتح حاصل کر لی۔

گزشتہ دو یورو کپ میں ایک بھی میچ نہ جیتنے والی اسکاٹش ٹیم کے لیے گروپ اسٹیج سے آگے بڑھنے کے لیے یہ کامیابی اہم تھی۔

کوچ اسٹیو کلارک نے خوشی کا اظہار کرتے ہوئے کہا کہ اس نایاب جیت نے ٹیم پر سے دباؤ کا پہاڑ ختم کر دیا ہے۔ اب گروپ سی میں برازیل اور مراکش جیسی دنیا کی ٹاپ 10 ٹیموں کے خلاف اگلے میچز آسان نہیں ہوں گے، لیکن ٹیم اب پرسکون ہو کر میدان میں اترے گی۔

62 سالہ کلارک، جو 44 سال سے فٹ بال سے وابستہ ہیں اور پہلی بار ورلڈ کپ کا حصہ بنے ہیں نے کھلاڑیوں کے دفاع اور عزم کو سراہا۔ برازیل اور مراکش کا میچ 1-1 سے ڈرا ہونے کے بعد اسکاٹ لینڈ گروپ میں سرفہرست آ گیا ہے اور اس کا اگلا مقابلہ جمعہ کو مراکش سے ہوگا۔