کریسنٹ اسٹار انشورنس کی کراچی میں 400 ملین کی پراپرٹی خریدنے پرغور

کریسنٹ اسٹار انشورنس لمیٹڈ (سی ایس آئی ایل) کراچی کے ڈیفنس ہاؤسنگ اتھارٹی (ڈی ایچ اے) فیز 8 میں تقریباً 400 ملین روپے مالیت کی پراپرٹی کی خریداری پر غور کررہی ہے۔

لسٹڈ کمپنی نے بدھ کو پاکستان اسٹاک ایکسچینج (پی ایس ایکس) کو ایک نوٹس کے ذریعے اس پیش رفت سے آگاہ کیا۔

نوٹس میں کہا گیا کہ کریسنٹ اسٹار انشورنس لمیٹڈ اس وقت فیز 8، ڈی ایچ اے کراچی میں واقع ایک پراپرٹی کے حصول کے لیے مناسب جانچ پڑتال کررہی ہے اور اس سلسلے میں مذاکرات جاری ہیں۔

کمپنی کے مطابق اس پراپرٹی کی متوقع قیمت تقریباً 400 ملین روپے یعنی 1.42 ملین امریکی ڈالر ہے۔

یہ حصول کریسنٹ اسٹار انشورنس لمیٹڈ کے اثاثہ جات کے پورٹ فولیو کو مضبوط کرنے اور طویل مدتی فوائد حاصل کرنے کے لیے ایک حکمت عملی کے تحت سرمایہ کاری کا موقع سمجھا جا رہا ہے۔

یہ لین دین شرائط کی حتمی منظوری اور بورڈ آف ڈائریکٹرز کی اجازت سے مشروط ہے۔

کریسنٹ اسٹار انشورنس لمیٹڈ پاکستان میں ایک پبلک لمیٹڈ کمپنی کے طور پر 1957 میں کمپنیز ایکٹ 1913 کے تحت قائم کی گئی تھی، جو اب کمپنیز ایکٹ 2017 کے تحت آتی ہے۔

کمپنی عام طور پر غیر زندگی سے متعلق انشورنس کی سہولیات فراہم کرتی ہے۔

رپورٹ کی تیاری کے وقت کریسنٹ اسٹار انشورنس لمیٹڈ کے شیئر کی قیمت 0.08 روپے یا 2.45 فیصد کی کمی سے 3.18 روپے پر ٹریڈ کررہے ہیں ۔