اسٹیٹ بینک آف پاکستان (ایس بی پی) کی مانیٹری پالیسی کمیٹی (ایم پی سی) کا اجلاس پیر 05 مئی 2025 کو ہوگا جس میں مانیٹری پالیسی کے بارے میں فیصلہ کیا جائے گا۔
بعد ازاں اسٹیٹ بینک اسی دن پریس ریلیز کے ذریعے زری پالیسی بیان جاری کرے گا۔
بروکریج ہاؤس عارف حبیب لمیٹڈ (اے ایچ ایل) کی رپورٹ کے مطابق مرکزی بینک سے توقع ہے کہ وہ پالیسی ریٹ میں 50 بیسس پوائنٹس کی کمی کرے گا جس سے یہ 11.5 فیصد تک آ جائے گا۔
10 مارچ کو ہونے والے آخری اجلاس میں مرکزی بینک نے پالیسی ریٹ کو 12 فیصد پر برقرار رکھا تھا۔
کمیٹی نے نوٹ کیا کہ فروری 2025 میں مہنگائی توقعات سے کم رہی جو بنیادی طور پر خوراک اور توانائی کی قیمتوں میں کمی کی وجہ سے تھی۔
اے ایچ ایل نے اپنی رپورٹ میں کہا کہ مہنگائی میں مسلسل کمی اور حقیقی سود کی شرح میں اضافے کی وجہ سے معیشت کی بحالی کی حمایت کے لیے شرح سود میں احتیاط کے ساتھ کمی کرنے کی گنجائش موجود ہے جس سے میکرو اقتصادی استحکام پر منفی اثر نہیں پڑے گا۔