عالمی و مقامی مارکیٹوں میں بدھ کو سونے کی قیمتوں میں نمایاں اضافہ ریکارڈ کیا گیا۔

عالمی بلین مارکیٹ میں سونا 30 ڈالر کے اضافے سے 3040 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں اضافے کے باعث مقامی سطح پربھی فی تولہ سونا 3 ہزار روپے کے نمایاں اضافے سے 3 لاکھ 21 ہزار روپے پر جاپہنچا۔

اسی طرح دس گرام سونے کی قیمت 2572 روپے کے بڑے اضافے سے دو لاکھ 75 ہزار 205 روپے ہوگئی ۔

یاد رہے کہ منگل کو سونے کی فی تولہ قیمت دو ہزار روپے کی کمی سے 3 لاکھ 18 ہزار روپے ہوگئی تھی۔

دریں اثنا چاندی کی فی تولہ قیمت 3170 روپے ہوگئی۔