40 ماہ کی کم ترین سطح، 12 فیصد اضافہ، اور 6 فیصد کمی — یہ سب تیل کی عالمی منڈیوں میں دو ہفتوں سے بھی کم عرصے میں ہوا، جو اس وقت کسی خاص سمت کا تعین کرتی نظر نہیں آ رہی ہیں۔ بیئرز (Bearish Traders) کے لیے صورتحال ایک ماہ پہلے کے مقابلے میں زیادہ کمزور نہیں ہوئی ہے، لیکن مشرق وسطیٰ میں نئے جنگ کے ابھرنے کے امکانات اب سامنے نظر آ رہے ہیں۔ اور اس کا تیل کی قیمتوں پر اثر ہو سکتا ہے — اگرچہ، صرف قلیل مدتی طور پر ہوگا۔
پچھلے دس دنوں میں، تین بڑے واقعات رونما ہوئے ہیں جو عام طور پر تیل کی منڈیوں میں کافی ہلچل پیدا کر سکتے تھے۔ لیکن یہ غیر معمولی حالات ہیں اور بڑے جغرافیائی سیاسی، طلب اور رسد کے خطرات کے ردعمل میں کچھ زیادہ حرکت دیکھنے میں نہیں آ رہی۔ یاد رہے کہ چین سے سست رفتار طلب کو بیئر ریلی کے ایک بڑا حصہ کا ذمہ دار ٹھہرایا گیا ہے، جہاں صنعتی اور ریٹیل طلب توقعات سے کہیں کم تھی۔ چین نے اب توقع سے زیادہ بڑے اقتصادی امدادی پیکج کے ساتھ ردعمل دیا ہے، جسے ”تاریخی“ قرار دیا جا رہا ہے۔ آنے والے ایک یا دو ماہ یہ طے کریں گے کہ کتنی اضافی طلب پیدا ہوتی ہے اور یہ کتنی دیر تک برقرار رہتی ہے۔
اور پھر اسرائیل-حزب اللہ کی جنگ ہے، جو پچھلے ہفتے کے دوران نئی بلندیوں تک پہنچ گئی ہے۔ لبنان میں جنگ کا خطرہ 2006 کے بعد اپنی بلند ترین سطح پر بتایا جا رہا ہے، اور مشرق وسطیٰ میں وسیع جنگ کا خطرہ پچھلے دس سالوں میں کسی بھی وقت کے مقابلے میں زیادہ حقیقت کے قریب لگ رہا ہے۔ لبنان کے جنگی خطے میں ہونے کی وجہ سے اصل سپلائی میں رکاوٹ بہت کم ہے، لیکن ایسی صورتحال میں جو خطرے کا پریمیم شامل ہوتا ہے وہ کہیں نظر نہیں آ رہا۔
دوسری طرف، قریبی مارکیٹ مبصرین کی رپورٹوں کے مطابق، اوپیک کے رہنما سعودی عرب نے طویل مدتی طور پر اپنے بجٹ کو متوازن کرنے کے لیے برینٹ آئل کی قیمت100 ڈالر فی بیرل رکھنے کی طویل مدتی خواہش ترک کر دی ہے۔
رسد کی طرف بھی صورتحال بہتر ہوتی نظر آ رہی ہے، لیبیا کی تیل کی پیداوار مخالف گروپوں کے درمیان تصفیہ کے بعد دوبارہ معمول پر آنے کی توقع ہے۔ یہ سوال باقی ہے کہ آیا اوپیک پلس اپنی اگلی میٹنگ میں پیداوار میں کمی کے خاتمے کے اپنے منصوبے پر قائم رہتا ہے یا اس میں توسیع کرتا ہے — لیکن کچھ چھوٹے شراکت داروں کے لیے صبر ختم ہوتا نظر آ رہا ہے — اور یہی وہ جگہ ہے جہاں مارکیٹ بیئرز اپنی اعتماد کی بنیاد رکھتے ہیں۔
دلچسپ بات یہ ہے کہ اوپیک تیل کے طویل مدتی نقطہ نظر پر پرامید ہے ، جس نے پچھلے سال کے مقابلے میں طلب میں اضافے کے تخمینوں پر نظر ثانی کی ہے۔ کارٹیل سی مستقبل قریب میں تیل کی طلب میں اضافے کے خیال کو مسترد کرتا ہے اور 2050 تک آبادی اور شہر کاری میں اضافے کا حوالہ دیتے ہوئے آج کے مقابلے میں زیادہ طلب کے ساتھ آگے بڑھ تا ہے۔ چاہے حالات جس طرف بھی جائیں، تیل کی اونچ نیچ کا کھیل ابھی ختم ہوتا نظر نہیں آتا — کیونکہ دونوں فریقوں کے پاس اپنی جگہ قائم رہنے کے لیے کافی وجوہات ہیں۔