حکومت سندھ نے چہلم حضرت امام حسین علیہ السلام کے موقع پر 26 اگست کو صوبے کے تمام سرکاری و نجی اسکولوں میں تعطیل کا اعلان کیا ہے۔
جمعہ کو جاری ہونے والے نوٹیفکیشن کے مطابق محکمہ کالج ایجوکیشن، حکومت سندھ کے انتظامی کنٹرول میں آنے والے تمام سرکاری اور نجی تعلیمی ادارے پیر 26 اگست 2024 کو بند رہیں گے۔
چہلم عاشورہ کے 40 دن بعد منایا جاتا ہے اور حضرت امام حسین رضی اللہ عنہ، نواسہ رسول صلی اللہ علیہ و آلہ وسلم اور دیگر شہدائے کربلا کی یاد میں منایا جاتا ہے۔