اوپیک پلس کے دو ذرائع کا کہنا ہے کہ اتوار کے روز ہونے والے تیل کی پیداوار سے متعلق اجلاس کو آن لائن کرنے کے باوجود اوپیک پلس کے کئی وزراء سعودی عرب کے دارالحکومت ریاض جانے کا ارادہ رکھتے ہیں۔

اوپیک تیل پیدا کرنے والے ممالک اور روس سمیت دیگر ممالک اوپیک پلس میں شامل ہیں، جو 2024 کے بقیہ حصے اور ممکنہ طور پر اگلے سال کے لئے اپنی پیداواری پالیسی کا فیصلہ کرنےجار ہے ہیں.

ذرائع کا کہنا ہے کہ توقع ہے کہ اوپیک پلس ایک پیچیدہ معاہدے پر تبادلہ خیال کرے گا جس سے 2025 تک تیل کی پیداوار میں بڑی کٹوتی ہوسکتی ہے۔ذرائع نے جمعے کے روز بتایا کہ اوپیک پلس کے کئی وزراء کو ریاض میں مدعو کیا گیا ہے۔

اوپیک پلس کے رکن ممالک پیداوار میں 5.86 ملین بیرل یومیہ (بی پی ڈی) کی کمی کر رہے ہیں، جو عالمی طلب کا تقریبا 5.7 فیصد ہے۔

کچھ ذرائع نے مشورہ دیا کہ اتوار کو ہونے والے اجلاس میں ممالک 2.2 ملین بی پی ڈی کی رضاکارانہ سپلائی میں کٹوتی کریں گے جو سپلائی کو روکنے ، مارکیٹ کو متوازن کرنے اور خام تیل کی قیمتوں کو سہارا دینے کی گروپ کی مجموعی کوششوں کا حصہ ہیں۔

یہ اضافی کٹوتیاں رواں ماہ ختم ہونے والی ہیں۔

ان ممالک میں الجزائر، عراق، قازقستان، کویت، عمان، روس، سعودی عرب اور متحدہ عرب امارات شامل ہیں۔

سعودی عرب کی وزارت توانائی نے فوری طور پر ان ملاقاتوں کے بارے میں تبصرہ کرنے کی درخواست کا جواب نہیں دیا۔

اوپیک پلس نے 2022 کے اواخر سے امریکہ جیسے غیر رکن ممالک کی جانب سے پیداوار میں اضافے اور بلند شرح سود کے درمیان طلب پر خدشات کے پیش نظر متعدد کٹوتیاں کی ہیں۔

اتوار کو ہونے والا پالیسی ساز اجلاس اصل میں ویانا میں تیل برآمد کرنے والے ممالک کی تنظیم کے صدر دفتر میں منعقد ہونے والا ایک نجی پروگرام ہونا تھا لیکن گزشتہ ہفتے اسے آن لائن کر دیا گیا۔

توقع ہے کہ ملاقاتوں کا سلسلہ اتوار کو مقامی وقت کے مطابق صبح نو بجے شروع ہوگا۔

پیداوار میں کٹوتی کے علاوہ اوپیک پلس رکن ممالک پیداواری صلاحیت کے اعداد و شمار پر بھی بحث کرینگے جو تاریخی طور پر متنازع مسئلہ ہے۔

صلاحیت کے تخمینے اوپیک + کو بنیادی پیداوار کے اعداد و شمار قائم کرنے میں مدد کرتے ہیں جس سے کٹوتی کی جاتی ہے۔