سونے کی قیمتوں میں بڑی کمی ریکارڈ

عالمی و مقامی مارکیٹوں میں بدھ کو سونے کی قیمتوں میں بڑی کمی ریکارڈ کی گئی۔

عالمی بلین مارکیٹ میں سونا 24 ڈالر کی کمی سے 2916 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 2400 روپے کی بڑی کمی سے 3 لاکھ 6 ہزار 300 روپے پر آگیا۔

اسی طرح دس گرام سونا 2058 روپے کی بھاری کمی سے 2 لاکھ 62 ہزار 602 روپے کا ہوگیا۔

یاد رہے کہ منگل کو سونے کی فی تولہ قیمت میں 800 روپے کی کمی ریکارڈ کی گئی تھی۔

دریں اثنا چاندی کی فی تولہ قیمت 36 روپے کی کمی سے 3 ہزار 314 روپے ہوگئی۔