پانی کی عدم فراہمی پر اوچ پاور کی پلانٹ بند کرنے کی دھمکی

اوچ پاور کمپنی نے پانی کے مطلوبہ مقدار اور معیار کی عدم دستیابی پر پاور پلانٹ بند کرنے کی وارننگ دے دی، جسے فورس میجور قرار دیا جا سکتا ہے۔

باخبرذرائع نے بزنس ریکارڈر کو بتایا کہ پی پی آئی بی کو اس معاملے پر اوچ پاور (پرائیویٹ) لمیٹڈ (اوچ) اور اوچ ٹو پاور (پرائیویٹ) کی جانب سے 23 اور 28 جنوری 2025 کو خطوط موصول ہوئے ہیں جن میں بتایا گیا کہ 11 جنوری 2025 سے ان کے پاور پلانٹس کو نہر سے پانی لینے سے روک دیا گیا ہے جس کی وجہ اس کی بڑھتی کنڈکٹویٹی اور پانی کی سطح میں نمایاں کمی ہے۔

مزید برآں، اپریل 2025 میں نہر کی متوقع بندش ان کے کمپلیکسز کے آپریشنل تسلسل کے لیے سنگین خطرہ پیدا کرسکتی ہے۔

اوچ اور اوچ ٹو پاور پلانٹس قومی گرڈ کو کم لاگت بجلی فراہم کرنے والے اہم منصوبے ہیں۔ ان کی بجلی کی پیداوار میں کسی بھی قسم کی رکاوٹ یا کمی سے سستی بجلی کی دستیابی پر منفی اثر پڑے گا، خاص طور پر گرمیوں کے موسم میں جب قومی بجلی کی طلب عروج پر ہوتی ہے۔

اسی پس منظر میں چیف سیکرٹری بلوچستان سے درخواست کی گئی ہے کہ وہ پی اے ٹی فیڈر کینال سے اُوچ اور اُوچ-II پاور پلانٹس کو مطلوبہ مقدار اور معیار کا پانی فراہم کرنے کو یقینی بنائیں، تاکہ پاور پرچیز ایگریمنٹ (پی پی اے)، عملدرآمد معاہدہ (آئی اے)، اور گیس سپلائی معاہدہ (جی ایس اے) کے تحت کسی فورس میجور صورتحال کے پیدا ہونے سے بچا جا سکے۔

قبل ازیں اُوچ پاور پرائیویٹ لمیٹڈ کے چیف ایگزیکٹو آفیسر نے پی پی آئی بی کو ایک خط میں محکمہ آبپاشی (حکومت بلوچستان) کو بھیجے گئے اپنے سابقہ خطوط کا حوالہ دیتے ہوئے پی اے ٹی فیڈر کینال سے پانی کے معیار اور قلت کے مسائل حل کرنے کے لیے پی پی آئی بی کی فوری توجہ اور معاونت طلب کی، جو اُچ پاور اسٹیشن کے لیے پانی کی کمی کا سبب بن رہے ہیں۔

سی ای او کے مطابق، 11 جنوری 2025 سے اُوچ پاور لمیٹڈ (یو پی ایل) کو نہر سے پانی لینے میں رکاوٹ کا سامنا ہے، کیونکہ اس کی کنڈکٹویٹی معمول کی تقریباً 300 µSi/cm سے بڑھ کر 600 µSi/cm سے تجاوز کر گئی ہے، جبکہ نہر کے پانی کی سطح میں نمایاں کمی آ کر خطرناک حد تک کم ہو گئی ہے۔

مناسب معیار کے پانی کی عدم دستیابی یو پی ایل کے پانی کے ذخائر میں کمی کا سبب بن رہی ہے اور اپریل 2025 میں نہر کی ممکنہ بندش کو مدنظر رکھتے ہوئے ، یو پی ایل کمپلیکس کے آپریشنل تسلسل کے لئے ایک اہم خطرہ ہے جس سے قومی گرڈ کے لئے سستی بجلی کی پیداوار میں نمایاں نقصان ہوسکتا ہے۔

نہر سے 30 کیوسک (16.141 ملین گیلن یومیہ) پانی کی مسلسل دستیابی 4 مارچ 1996 کے امدادی معاہدے کے تحت حکومت بلوچستان کی ذمہ داری ہے۔

پاور کمپنی نے پی پی آئی بی سے درخواست کی کہ وہ اس اہم مسئلے کو حل کرنے کے لئے متعلقہ حکام کے ساتھ معاملہ اٹھائیں تاکہ یو پی ایل کمپلیکس کو فوری بنیادوں پر مناسب معیار کے پانی کی فراہمی کو یقینی بنایا جاسکے۔

کمپنی نے اشارہ دیا ہے کہ وہ یو پی ایل کو مناسب معیار اور مقدار میں پانی کی فراہمی میں ناکامی کے نتیجے میں پلانٹ کو بند کردے گی اور یو پی ایل کے 23 نومبر 1995 کے پاور پرچیز ایگریمنٹ ، 19 نومبر 1995 کے نفاذ کے معاہدے اور 2 نومبر کے گیس سپلائی معاہدے کی دفعات کے تحت ایک فورس میجور ایونٹ تشکیل دے گی۔

نمائندے نے اُوچ پاور کمپنی کے چیف ایگزیکٹو آفیسر سے پانی کی دستیابی کے معاملے پر تبصرہ لینے کے لیے رابطہ کیا تاہم رپورٹ فائل ہونے تک ان کی جانب سے کوئی جواب موصول نہیں ہوا۔

کاپی رائٹ بزنس ریکارڈر، 2025