ٹرمپ انتظامیہ حماس کے تمام ہمدردوں کے ویزے منسوخ کرے گی، وائٹ ہاؤس

وائٹ ہاؤس کے ایک عہدیدار نے کہا ہے کہ امریکی صدر ڈونالڈ ٹرمپ بدھ کے روز ”سام دشمنی“ کا مقابلہ کرنے کے لئے ایک ایگزیکٹو آرڈر پر دستخط کریں گے اور فلسطینیوں کے حق میں مظاہروں میں حصہ لینے والے غیر شہری کالج کے طالب علموں اور دیگر رہائشی غیر ملکیوں کو ملک بدر کرنے کا وعدہ کریں گے۔

حکم نامے پر ایک فیکٹ شیٹ میں کہا گیا ہے کہ ٹرمپ محکمہ انصاف کو حکم دیں گے کہ وہ امریکی یہودیوں کے خلاف دہشت گردی کی دھمکیوں، آتش زنی، توڑ پھوڑ اور تشدد کے خلاف جارحانہ کارروائی کرے۔

ٹرمپ نے فیکٹ شیٹ میں کہا، “جہادیوں کے حامی مظاہروں میں شامل ہونے والے تمام رہائشی غیر ملکیوں کو، ہم آپ کو آگاہ کرتے ہیں: 2025 میں، ہم آپ کو تلاش کریں گے اور ہم آپ کو ملک بدر کر دیں گے۔ میں فوری طور پر کالج کیمپس میں حماس کے ان تمام ہمدردوں کے اسٹوڈنٹ ویزا منسوخ کر دوں گا جو انتہا پسندی سے متاثر ہیں۔