نیشنل ریفائنری کو ساڑھے چار ارب روپے کا نقصان

نیشنل ریفائنری لمیٹڈ (این آر ایل) نے 31 دسمبر 2024 کو ختم ہونے والی سہ ماہی کے دوران 4.49 ارب روپے کا بھاری خسارہ ریکارڈ کیا۔

یہ رقم گزشتہ مالی سال کے خسارے سے کم ہے جب یہ 7.86 ارب روپے تھا۔

اس کے نتیجے میں مالی سال 2025 کی دوسری سہ ماہی میں کمپنی کا فی حصص خسارہ (ایل پی ایس) 56.23 روپے رہا جبکہ گزشتہ سال کے اسی عرصے (ایس پی ایل وائی) میں ایل پی ایس 98.24 روپے تھا۔

اس اعلان کے بعد اسٹاک ایکسچینج میں حصص کی قیمت یں گر گئیں اور 252.5 روپے کی کم ترین سطح پر پہنچ گئیں۔ اس رپورٹ کے وقت این آر ایل کا حصص 7.5 روپے یا 2.86 فیصد کی کمی کے ساتھ 254.3 روپے پر تھا۔

اس عرصے کے دوران ریفائنری کی کنٹریکٹ سے آمدنی کم ہو کر 98.93 ارب روپے رہ گئی جو گزشتہ برس کی اس مدت میں 103 ارب روپے تھی جو تقریبا 4 فیصد کم ہے۔

کم آمدنی کے باوجود نیشنل ریفائنری نے سہ ماہی کے دوران 24.07 ارب روپے زیادہ ٹیکس ادا کیا جو گزشتہ سال کے اسی عرصے میں 21.28 ارب روپے تھا۔

اس کے نتیجے میں این آر ایل کی خالص آمدنی 74.86 ارب روپے رہی جو گزشتہ سال کے اسی عرصے میں 81.72 ارب روپے تھی۔

مالی سال 2025 کی دوسری سہ ماہی میں کمپنی کی فروخت کی لاگت کم ہو کر 76.3 ارب روپے رہ گئی جو مالی سال 24 کی دوسری سہ ماہی کے 91.32 ارب روپے کے مقابلے میں 16 فیصد سے زیادہ کی نمایاں کمی ہے۔

اس کے نتیجے میں کمپنی کو مالی سال 2025 کی دوسری سہ ماہی میں 1.45 ارب روپے کا مجموعی خسارہ ہوا جبکہ گزشتہ برس کی اس مدت میں 9.59 ارب روپے کا مجموعی نقصان ہوا۔

ریفائنری کی ’دیگر آمدنی‘ مالی سال 2025 کی دوسری سہ ماہی میں 305 فیصد اضافے کے ساتھ 231.93 ملین روپے رہی جو گزشتہ برس کی اس مدت میں 57.16 ملین روپے تھی۔

نتیجتاً این آر ایل کو مالی سال 2025 کی دوسری سہ ماہی میں 1.61 ارب روپے کا آپریٹنگ خسارہ ہوا جبکہ گزشتہ برس کی اس مدت میں 9.55 ارب روپے کا آپریٹنگ خسارہ ہوا تھا۔

خسارے میں اضافہ 2.59 ارب روپے کی خالص فنانس لاگت تھی، جو کمپنی کو 31 دسمبر 2024 کو ختم ہونے والی سہ ماہی میں برداشت کرنا پڑا۔

اس کے نتیجے میں مالی سال 2025 کی دوسری سہ ماہی میں ریفائنری آپریشنز سے ٹیکس اور لیویز سے کمپنی کا قبل از ٹیکس خسارہ 4.2 ارب روپے رہا جو گزشتہ سال کے اسی عرصے میں 11.53 ارب روپے تھا۔

19 اگست 1963 کو پاکستان میں پبلک لمیٹڈ کمپنی کے طور پر قائم ہونے والی یہ کمپنی پیٹرولیم مصنوعات کی ایک بڑی رینج کی مینوفیکچرنگ اور فروخت میں مصروف ہے۔ این آر ایل ریفائنری کمپلیکس میں تین ریفائنریاں یعنی دو لوب ریفائنریز اور ایک فیول ریفائنری شامل ہے۔

کمپنی نے مالی سال 2017 اور 2018 کے دوران بالترتیب ڈیزل ہائیڈرو ڈیسلفرائزیشن (ڈی ایچ ڈی ایس) اور آئسومیرائزیشن (آئی ایس او ایم) یونٹس بھی شروع کیے۔