فروخت کا دبائو، کے ایس ای 100 انڈیکس 1500 سے زائد پوائنٹس کی کمی کے ساتھ بند

پاکستان اسٹاک ایکسچینج (پی ایس ایکس) میں جمعرات کو اتار چڑھاؤ کا ایک اور سیشن دیکھنے میں آیا ہے اور فروخت کے دباؤ کے سبب بینچ مارک کے ایس ای 100 انڈیکس 1500 سے زائد پوائنٹس کی کمی کے ساتھ بند ہوا۔

کاروباری سیشن کے دوران کے ایس ای 100 انڈیکس میں اتار چڑھاؤ رہا۔ تاہم کاروبار کے آخری گھنٹوں کے دوران فروخت کا دباؤ دیکھا گیا جس کے نتیجے میں انڈیکس 112,594.66 کی کم ترین سطح پر پہنچ گیا۔

کاروبار کے اختتام پر کے ایس ای 100 انڈیکس 1510.19 پوائنٹس یا 1.32 فیصد کی کمی سے 112638.26 پوائنٹس پر بند ہوا۔

آٹوموبائل اسمبلرز، سیمنٹ، کمرشل بینکوں، تیل و گیس کی تلاش کرنے والی کمپنیوں، او ایم سیز اور بجلی کی پیداوار سمیت اہم شعبوں میں فروخت کا دباؤ رہا۔

حبکو، این آر ایل، او جی ڈی سی، پی پی ایل، ایم اے آر آئی، پی ایس او، ایس ایس جی سی، ایم سی بی، ایم ای بی ایل، این بی پی اور یو بی ایل کے حصص میں مندی کا رجحان رہا۔

انٹرمارکیٹ سیکیورٹیز نے ایک نوٹ میں کہا، “ہم سمجھتے ہیں کہ مستقبل قریب میں مارکیٹ کے لئے نئے مثبت محرکات بہت کم ہیں، جبکہ سیاست کے بارے میں غیر یقینی صورتحال بڑھ رہی ہے۔

انہوں نے کہا کہ پاکستانی مارکیٹ آنے والی امریکی انتظامیہ پر کڑی نظر رکھے گی۔ جن میں سے کچھ ارکان نے عمران خان کے جیل میں رہنے پر تشویش کا اظہار کیا ہے۔

بدھ کے روز پی ایس ایکس کا بینچ مارک کے ایس ای 100 انڈیکس 1900 سے زائد پوائنٹس کی کمی سے ایک لاکھ 14 ہزار148 پوائنٹس پر بند ہوا۔

بین الاقوامی سطح پر عالمی بانڈز کی گراوٹ جس نے ایکویٹیز پر دباؤ ڈالا ہے اور محفوظ پناہ گاہ امریکی ڈالر کو فروغ دیا ہے، جمعرات کو سست روی کے اشارے ملے، یہاں تک کہ جاپانی منافع کئی سال کی نئی بلند ترین سطح پر پہنچ گیا۔

تاہم حصص میں فروخت کا سلسلہ جاری رہا اور ابتدائی کاروبار کے دوران زیادہ تر ایشیائی حصص کے انڈیکس میں مندی کا رجحان رہا۔ ڈالر کی قدر مستحکم رہی جبکہ تیل کی قیمتوں میں کمی ہوئی۔

امریکی ڈالر اور امریکی ٹریژری ییلڈز نے حالیہ معاشی مضبوطی کی علامات اور افراط زر میں سختی کے باعث رفتار حاصل کی ہے، جس کی وجہ سے اس سال فیڈرل ریزرو کی نرم پالیسی کے امکانات میں کمی آئی ہے۔

فیڈ کے دسمبر کی پالیسی میٹنگ کے منٹس، جو بدھ کو جاری کیے گئے، میں یہ ظاہر ہوا کہ عہدیداران کو یہ تشویش ہے کہ نومنتخب صدر ڈونلڈ ٹرمپ کے تجویز کردہ ٹیرف اور امیگریشن پالیسیاں بڑھتی ہوئی قیمتوں کے خلاف جنگ کو طویل کر سکتی ہیں۔

بدھ کو ٹریژریز کی فروخت اس وقت مزید تیز ہو گئی جب سی این این کی ایک رپورٹ میں یہ انکشاف ہوا کہ ٹرمپ ایک قومی اقتصادی ہنگامی حالت کا اعلان کرنے پر غور کر رہے ہیں تاکہ اتحادیوں اور مخالفین پر عالمگیر محصولات کے ایک سلسلے کے لیے قانونی جواز فراہم کیا جا سکے۔

مارکیٹس 2025 میں صرف ایک 25 بیسز پوائنٹ کی شرح میں کمی کو مکمل طور پر شامل کر رہی ہیں اور دوسری کمی کے امکانات تقریباً 60 فیصد دیکھے جا رہے ہیں۔

ان تمام عوامل نے عالمی اسٹاک مارکیٹ کے جذبات کو نازک بنا دیا ہے، اور جمعرات کی صبح ایشیائی ایکویٹیز زیادہ تر منفی میں رہیں۔

جاپان کا نکی انڈیکس 0.7 فیصد گر گیا، آسٹریلیا کا اسٹاک بینچ مارک 0.6 فیصد نیچے آ گیا، اور تائیوانی شیئرز میں 0.2 فیصد کی کمی ہوئی۔

دریں اثنا انٹربینک مارکیٹ میں امریکی ڈالر کے مقابلے میں پاکستانی روپے کی قدر میں 0.04 فیصد کا اضافہ ریکارڈ کیا گیا اور روپیہ 11 پیسے کے اضافے کے بعد 278 روپے 61 پیسے پر بند ہوا۔

دریں اثناء جمعرات کو انٹر بینک مارکیٹ میں امریکی ڈالر کے مقابلے میں پاکستانی روپے کی قدر میں معمولی بہتری ریکارڈ کی گئی جس کے نتیجے میں 0.04 فیصد کا اضافہ ریکارڈ کیا گیا۔ اختتام پر ڈالر کے مقابلے میں ڈالر 0.11 روپے کے اضافے سے 278.61 روپے پر بند ہوا۔

آل شیئر انڈیکس کا حجم بدھ کے روز 1,099.98 ملین سے کم ہو کر 695.14 ملین رہ گیا۔

حصص کی مالیت گزشتہ سیشن کے 32.47 ارب روپے سے کم ہو کر 24.29 ارب روپے رہ گئی۔

ورلڈ کال ٹیلی کام 195.30 ملین حصص کے ساتھ سرفہرست رہی۔ اس کے بعد کے الیکٹرک لمیٹڈ 48.68 ملین حصص کے ساتھ دوسرے اور سنرجیکو پی کے 35.46 ملین حصص کے ساتھ تیسرے نمبر پر رہا۔

جمعرات کو 454 کمپنیوں کے حصص کا کاروبار ہوا جن میں سے 89 کمپنیوں کے حصص کی قیمتوں میں اضافہ، 321 میں کمی جبکہ 44 میں استحکام رہا۔