ایف بی آر، ٹیکس گوشوارے بینکوں کے ساتھ شیئر کئے جائیں گے

فیڈرل بورڈ آف ریونیو (ایف بی آر) اب انکم ٹیکس گوشواروں کا ڈیٹا بینکوں کے ساتھ شیئر کرے گا تاکہ اسے بینکوں کے پاس موجود بینکنگ معلومات سے موازنہ کیا جا سکے، جو کہ ٹیکس قوانین (ترمیمی) بل 2024 میں متعارف کرائے گئے نئے پرویژن کے تحت ہوگا۔

قومی اسمبلی میں پیش کیے گئے ٹیکس قوانین (ترمیمی) بل 2024 کے مطابق، ایف بی آر نے اہل اور نااہل افراد افراد کا تصور متعارف کرایا ہے اور نااہل افراد (نان فائلرز) کی معاشی لین دین پر پابندی عائد کی ہے جس میں موٹر گاڑیاں خریدنے، جائیداد کی خرید و فروخت، سیکیورٹیز کی فروخت، نئے بینک اکاؤنٹس کھولنے یا موجودہ اکاؤنٹس کو چلانے اور بینکوں سے نقد رقم نکالنے پر پابندی شامل ہے۔

قومی اسمبلی میں پیش کیے گئے ٹیکس قوانین (ترمیمی) بل 2024 کے مطابق بینکوں اور ایف بی آر کے درمیان ہائی رسک افراد سے متعلق بینکنگ اور ٹیکس معلومات کے تبادلے کی اجازت دی گئی ہے۔

بورڈ ٹرن اوور، آمدنی بشمول ٹیکس کے قابل آمدنی، ایک یا زیادہ ٹیکس سالوں کے لیے شناختی ڈیٹا بشمول انکم ٹیکس گوشوارے میں بیان کردہ بینک اکاؤنٹ نمبرز، ویلتھ اسٹیٹمنٹ، مالیاتی بیانات اور ڈیٹا پر مبنی الگورتھم کو پاکستان کے شیڈولڈ بینکوں کے ساتھ شیئر کر سکتا ہے۔

بینک ان افراد کی تفصیلات، جیسے نام اور اکاؤنٹ نمبر، بورڈ کو فراہم کریں گے جہاں بینکنگ معلومات ایف بی آر کے فراہم کردہ ڈیٹا الگورتھم سے مطابقت نہ رکھتی ہو۔

ٹیکس قوانین (ترمیمی) بل 2024 کے تحت اہل شخص سے مراد وہ فرد ہوگا جس نے مذکورہ لین دین کے سال سے پہلے کے ٹیکس سال کے لیے انکم ٹیکس گوشوارہ جمع کرایا ہو اور جس کے پاس فرد کی صورت میں ویلتھ اسٹیٹمنٹ یا کمپنی یا افراد کی ایسوسی ایشن کی صورت میں مالیاتی گوشوارے میں اس لین دین کے لیے کافی وسائل موجود ہوں۔

دوسری جانب نااہل شخص سے مراد وہ فرد ہوگا جو اہل شخص کی تعریف پر پورا نہیں اترتا۔

کمشنر ان لینڈ ریونیو کو اختیار ہوگا کہ وہ بینکنگ کمپنیوں، شیڈولڈ بینکوں اور دیگر مالیاتی اداروں کو ہدایت دے کہ وہ سیلز ٹیکس ایکٹ کے تحت سیلز ٹیکس کے لیے رجسٹر نہ ہونے والے کسی بھی شخص کے بینک اکاؤنٹ کی کارروائی روک دیں۔

کمشنر کو یہ اختیار بھی حاصل ہوگا کہ وہ پراپرٹی رجسٹریشن اتھارٹی کو ہدایت دے کہ وہ سیلز ٹیکس ایکٹ کے مقاصد کے لئے رجسٹرڈ ہونے میں ناکام ہونے والے کسی بھی شخص کی غیر منقولہ جائیداد کی منتقلی کو روکے۔

کوئی بھی شخص جو اس ایکٹ کے مقاصد کے لئے اپنا اندراج کرانے میں ناکام رہتا ہے ، چیف کمشنر کو کاروباری احاطے کو سیل کرنے کا اختیار ہوگا۔

بل کے تحت بعض افراد کی جانب سے معاشی لین دین پر پابندی ہوگی۔

اس میں یہ شامل ہے کہ کسی بھی غیر اہل شخص کی جانب سے موٹر وہیکل کی بکنگ، خریداری یا رجسٹریشن کے لیے دی گئی درخواست کو کسی بھی موٹر وہیکل کے مینوفیکچرر یا ایکسائز اور ٹیکسیشن ڈپارٹمنٹ کے وہیکل رجسٹریشن اتھارٹی کی جانب سے قبول یا پراسیس نہیں کیا جائے گا۔

کسی بھی نااہل شخص کی جانب سے ایسی کسی بھی اتھارٹی کو درخواست یا گزارش، جو غیر منقولہ جائیداد کی رجسٹریشن، ریکارڈنگ یا منتقلی کی تصدیق کی ذمہ دار ہو، قبول یا پراسیس نہیں کی جائے گی اگر وہ جائیداد کی مجموعی مالیت، جو ایک ٹیکس سال میں ہو، بورڈ کی جانب سے وقتاً فوقتاً نوٹیفائی کردہ حد سے زیادہ ہو۔

معاشی لین دین پر پابندی عائد کی جائے گی، جس کے تحت کوئی بھی شخص جو سیکیورٹیز بشمول قرض سیکیورٹیز یا میوچل فنڈز کے یونٹس فروخت کرنے کا مجاز ہو، یا وہ شخص جو اکاؤنٹ کھولنے، برقرار رکھنے یا ایسی لین دین کو کلیئر کرنے کا مجاز ہو، کسی غیر اہل فرد یا افراد کی ایسوسی ایشن کو سیکیورٹیز یا میوچل فنڈز فروخت کرنے، اکاؤنٹ کھولنے یا لین دین کلیئر کرنے کی اجازت نہیں دے گا۔

کوئی بھی بینکنگ کمپنی ایسے افراد کے نام پر، جنہیں بورڈ کی جانب سے نوٹیفائی کیا گیا ہو، کوئی نیا کرنٹ یا سیونگ اکاؤنٹ یا انویسٹر پورٹ فولیو سیکیورٹیز اکاؤنٹ نہیں کھولے گی اور نہ ہی پہلے سے کھلا ہوا اکاؤنٹ برقرار رکھے گی، سوائے آسان اکاؤنٹ کے۔

بینک کسی بھی شخص کے کسی بھی بینک اکاؤنٹ سے نقد رقم نکالنے کی اجازت نہیں دیں گے ، جو بورڈ کی طرف سے وقتا فوقتا مطلع کی جانے والی رقم سے زیادہ ہے۔

شق (1) کی دفعات رکشوں، موٹر سائیکل رکشوں، یا ٹریکٹرز کی خریداری پر لاگو نہیں ہوں گی؛ 800 سی سی تک انجن کی گنجائش رکھنے والے پک اپ وہیکلز کی خریداری اور ایسی دیگر موٹر گاڑیوں کی خریداری، جو مذکورہ گاڑیوں کے علاوہ ہوں، پر بھی یہ دفعات لاگو نہیں ہوں گی۔

اقتصادی لین دین پر پابندی ہوگی جس میں سیکیورٹیز میں سرمایہ کاری بھی شامل ہوگی جس کے بارے میں بورڈ وقتا فوقتا مطلع کرے گا۔

کاپی رائٹ بزنس ریکارڈر، 2024