ترقیاتی منصوبے، پہلی سہ ماہی کیلئے بجٹ کا 14 فیصد مختص کرنے کی منظوری

وزارت منصوبہ بندی، ترقی اور خصوصی اقدامات نے سرکاری شعبے کے ترقیاتی پروگرام (پی ایس ڈی پی) 25-2024 کے تحت پہلی سہ ماہی (جولائی تا ستمبر) کے لئے ترقیاتی منصوبوں کے لئے مختص 1.1 ٹریلین روپے کے بجٹ میں سے مجموعی طور پر 155 ارب روپے (14 فیصد) کی منظوری دے دی ہے۔

وزارت خزانہ کے نوٹیفکیشن کے مطابق وزارت منصوبہ بندی، ترقی اور خصوصی اقدامات نے پی ایس ڈی پی کے تحت پہلی سہ ماہی کے لیے 15 فیصد، دوسری سہ ماہی کے لیے 20 فیصد، تیسری سہ ماہی کے لیے 25 فیصد اور چوتھی سہ ماہی کے لیے 40 فیصد فنڈز کی منظوری دی۔

فنانس ڈویژن کے مطابق ترقیاتی بجٹ کے لیے فنڈز رواں مالی سال کے لیے پی ایس ڈی پی میں مختص کردہ پی ایس ڈی پی میں سے منظور شدہ منصوبوں کے لیے پہلی سہ ماہی کے لیے 15 فیصد، دوسری سہ ماہی کے لیے 20 فیصد، تیسری سہ ماہی کے لیے 25 فیصد اور چوتھی سہ ماہی کے لیے 40 فیصد مختص کیے جائیں گے۔

دستیاب اعداد و شمار کے مطابق وزارت نے مختلف وفاقی وزارتوں، ڈویژنز اور دیگر محکموں کے ترقیاتی منصوبوں کے لیے 115.12 ارب روپے کی منظوری دی جبکہ مالی سال 25-2024 کے لیے مختص کردہ 133.2 ارب روپے سمیت 833.15 ارب روپے مختص کیے گئے تھے۔

جولائی تا ستمبر 25-2024 کے دوران ترقیاتی منصوبوں پر مجموعی طور پر 34 ارب 83 کروڑ روپے کے اخراجات کیے گئے جبکہ مختلف وفاقی وزارتوں، ڈویژن اور دیگر محکموں کے لیے 115 ارب 12 کروڑ روپے مختص کیے گئے تھے۔

وزارت نے ترقیاتی منصوبوں کے لئے نیشنل ہائی ویز اتھارٹی (این ایچ اے) اور پاور سیکٹر (این ٹی ڈی سی / پیپکو) کے لئے 265.85 ارب روپے کے بجٹ میں سے 39.878 ارب روپے کی منظوری دی۔ رواں مالی سال کی پہلی سہ ماہی کے دوران این ایچ اے کے ترقیاتی منصوبوں کے لیے 161.26 ارب روپے میں سے 24.189 ارب روپے اور پاور سیکٹر (این ٹی ڈی سی/پیپکو) کے لیے 104.59 ارب روپے میں سے 15.688 ارب روپے منظور کیے گئے ہیں۔

اعداد و شمار کے مطابق کابینہ ڈویژن کے لیے ترقیاتی منصوبوں کے لیے مختص 25 ارب 77 کروڑ روپے میں سے مجموعی طور پر 11 کروڑ 59 لاکھ 50 ہزار روپے منظور کیے جا چکے ہیں جبکہ 6 کروڑ 30 لاکھ روپے خرچ کیے جا چکے ہیں۔

مالی سال کی پہلی سہ ماہی کے دوران ایوی ایشن ڈویژن کے ترقیاتی منصوبوں کے لیے 6.3 ارب روپے میں سے 94 کروڑ 54 لاکھ روپے، موسمیاتی تبدیلی ڈویژن کے لیے 78 کروڑ 85 لاکھ 44 ہزار روپے، فیڈرل ایجوکیشن اینڈ پروفیشنل ٹریننگ ڈویژن کے لیے 3 ارب 11 کروڑ روپے، اسٹیٹس اینڈ فرنٹیئر ریجنز ڈویژن کے لیے 17 کروڑ 76 لاکھ روپے، انفارمیشن ٹیکنالوجی اور ٹیلی کام ڈویژن کے لیے 3 ارب 58 کروڑ 90 لاکھ روپے اور ریلوے ڈویژن کے لیے 1 ارب 45 کروڑ 44 لاکھ روپے منظور کیے گئے ہیں۔

وزارت نے صوبوں اور خصوصی علاقوں کے لیے 227.32 ارب روپے میں سے 31.648 ارب روپے، ہائر ایجوکیشن کمیشن کے ترقیاتی منصوبوں کے لیے 61.11 ارب روپے میں سے 9.167 ارب روپے اور نیشنل فوڈ سیکیورٹی اینڈ ریسرچ ڈویژن کے ترقیاتی منصوبوں کے لیے 3.589 ارب روپے کی منظوری دی گئی ہے۔

وزارت داخلہ کے لیے 8.72 ارب روپے، نیشنل ہیلتھ سروس، ریگولیشنز اینڈ کوآرڈینیشن ڈویژن کے لیے 24.75 ارب روپے میں سے 3.7 ارب روپے، ڈیفنس ڈویژن کے لیے 807 ملین روپے، دفاعی پیداوار ڈویژن کے لیے 56 ملین روپے، پلاننگ، ڈویلپمنٹ اینڈ اسپیشل انیشی ایٹو ڈویژن کے لیے 7.71 ارب روپے، میری ٹائم افیئرز ڈویژن کے لیے 39 کروڑ 74 لاکھ روپے، سائنس اینڈ ٹیکنالوجیکل ریسرچ ڈویژن کے لیے 99 کروڑ 74 لاکھ روپے مختص کرنے کی منظوری دی۔ فنانس ڈویژن کیلئے 912.6 ملین روپے، پٹرولیم ڈویژن کے لئے 371.36 ملین روپے اور واٹر ریسورسز ڈویژن کے ترقیاتی منصوبوں کے لئے مختص 184.598 بلین روپے میں سے 27.689 بلین روپے مختص کئے گئے ہیں۔

کاپی رائٹ بزنس ریکارڈر، 2024