غزہ جنگ کی برسی پر حزب اللہ کا اسرائیل پر حملہ، مشرق وسطیٰ میں عدم استحکام کے خدشات بڑھ گئے

اسرائیل کے تیسرے سب سے بڑے شہر حیفہ پر حزب اللہ کی جانب سے راکٹ داغے گئے جب کہ اسرائیل کے ذرائع ابلاغ نے غزہ جنگ کی پہلی برسی پر ملک کے شمال میں 10 افراد کے زخمی ہونے کی اطلاع دی ہے۔

غزہ میں اسرائیل کے خلاف لڑنے والی فلسطینی تنظیم حماس کی اتحادی ایران کی حمایت یافتہ حزب اللہ نے کہا ہے کہ اس نے حیفہ کے جنوب میں ایک فوجی اڈے کو ”فادی 1“ میزائلوں سے نشانہ بنایا ہے ۔

میڈیا نے بتایا کہ دو راکٹ حیفہ اور5 راکٹ تیبیریاس میں داغے گئے جو کہ 65 کلومیٹر (40 میل) دور ہے۔

پولیس کا کہنا ہے کہ کچھ عمارتوں اور املاک کو نقصان پہنچا ہے اور معمولی زخمی ہونے کی اطلاعات ہیں، کچھ لوگوں کو قریبی اسپتال لے جایا گیا ہے۔

اسرائیلی فوج کا کہنا ہے کہ لڑاکا طیاروں نے بیروت میں حزب اللہ کے انٹیلی جنس ہیڈکوارٹرز کے اہداف کو نشانہ بنایا ہے۔

فوج کا کہنا ہے کہ گزشتہ چند گھنٹوں کے دوران بیروت کے علاقے میں حزب اللہ کے ہتھیاروں کے ذخیرے کی تنصیبات پر فضائی حملے کیے گئے، حملوں کے بعد ثانوی دھماکوں کی نشاندہی کی گئی، جس سے ہتھیاروں کی موجودگی کی نشاندہی ہوتی ہے۔

فوج کا کہنا ہے کہ فضائی حملوں میں جنوبی لبنان اور بیکعہ کے علاقے میں حزب اللہ کے ٹھکانوں کو بھی نشانہ بنایا گیا جن میں ہتھیاروں کے ذخیرے کی تنصیبات، بنیادی ڈھانچے کے مقامات، ایک کمانڈ سینٹر اور لانچر شامل ہیں۔

بیان میں حزب اللہ پر الزام عائد کیا گیا کہ وہ جان بوجھ کر بیروت کے وسط میں رہائشی عمارتوں کے نیچے اپنے کمانڈ سینٹرز اور ہتھیاروں کو نصب کررہی ہے اور شہری آبادی کو خطرے میں ڈال رہی ہے۔

پیر کو غزہ پر مسلط اسرائیلی جنگ کو ایک سال مکمل ہوگیا ہے ، دنیا کے متعدد ممالک میں احتجاجی مظاہرے کیے جا رہے ہی۔

اسرائیلی اعداد و شمار کے مطابق انہوں نے تقریبا 1200 افراد کو ہلاک کیا اور تقریبا 250 افراد کو یرغمال بنا کر غزہ لے گئے۔ فلسطینی محکمہ صحت کے حکام کا کہنا ہے کہ حماس نے غزہ میں اسرائیلی حملے پر اکسایا جس کے نتیجے میں گنجان آباد ساحلی علاقے کو نقصان پہنچا اور تقریبا 42 ہزار افراد شہید ہوئے۔

فوج اور پولیس کا کہنا ہے کہ 7 اکتوبر 2023 کی برسی پر ممکنہ فلسطینی حملوں کی منصوبہ بندی کے پیش نظر پیر کو اسرائیل بھر میں سیکیورٹی فورسز ہائی الرٹ ہیں۔

اسرائیل کے لیے فلسطینی گروپ کی جانب سے اچانک حملہ، جو ایران کا اتحادی بھی ہے، ایک ایسے ملک کے لیے بدترین سکیورٹی ناکامیوں میں سے ایک تھا جو خود کو ایک مضبوط فوج پر فخر کرتا ہے۔

غزہ کے آس پاس اسرائیلی آبادیوں پر حماس کے حملے اور اس کے جواب میں اسرائیل کی انتھک مہم نے مشرق وسطیٰ کو غیر مستحکم کر دیا ہے جبکہ ہلاکتوں اور تباہی کے پیمانے نے دنیا بھر میں لوگوں کو خوفزدہ کر دیا ہے۔