معیشت اب بھی طوفان کی زد میں ہے

وسیع نظر سے دیکھا جائے تو مالی اور مانیٹری پالیسی کے فیصلوں پر شکوک و شبہات رکھنے والوں کی بڑھتی ہوئی تعداد کے لیے یہ اچھی خبریں تھی، اسٹیٹ بینک آف پاکستان (ایس بی پی) نے ڈسکاؤنٹ ریٹ کو 100 بیسس پوائنٹس کم کرکے 19.5 فیصد کردیا اور فچ نے پاکستان کی ریٹنگ کوسی سی سی سے سی سی سی پلس تک اپ گریڈ کردیا۔

شرح سود میں 100 بیسس پوائنٹس کی کمی کے فیصلے کے درمیان واضح فرق ہے کیونکہ مئی 2024 میں 11.8 فیصد کے مقابلے میں جون 2024 میں بنیادی افراط زر بڑھ کر 12.6 فیصد ہوگیا تھا، جبکہ مانیٹری پالیسی بیان (ایم پی ایس) میں کہا گیا ہے کہ “مالیاتی خسارے اور توانائی کی قیمتوں میں ایڈجسٹمنٹ سے متعلق ایڈہاک فیصلوں سے افراط زر میں اضافے کے خطرات ہونگے جبکہ نسبتا کم شرح سود اور زیادہ بجٹ ترقیاتی اخراجات سے ترقی کو فروغ ملے گا۔ شرح ترقی پچھلے سال کے 2.45 فیصد کے مقابلے میں 2.5 سے 3.5 فیصد کے درمیان کا تخمینہ لگایا گیا ہے جو قدرے پرامید ہے کیونکہ شرح سود میں کمی پیداواری سرگرمیوں کو فروغ دینے کے لئے کافی نہیں ہوسکتی ہے خاص طور پر جب دیگر اخراجات ، افادیت اور نقل و حمل کے اخراجات میں اضافہ جاری ہے جبکہ خسارے پر قابو پانے کے لئے ترقیاتی اخراجات میں سب سے پہلے کٹوتی کی جاتی ہے۔

ایم پی ایس میں کہا گیا ہے کہ ”بنیادی افراط زر گزشتہ دو ماہ کے دوران تقریبا 14 فیصد پر مستحکم رہا ہے“ - یہ شرح پاکستان کے ادارہ شماریات کے حساب سے متضاد ہے - جو مئی کے لئے 12.3 فیصد اور جون کے لئے 12.2 فیصد ہے۔ یہ بات قابل ذکر ہے کہ ڈسکاؤنٹ ریٹ اور 14 فیصد بنیادی افراط زر کے درمیان فرق 5.5 فیصد اور سی پی آئی کے ساتھ 7 فیصد سے زیادہ ہے، جو معمول سے کہیں زیادہ ہے۔

کمیٹی نے اپنے آخری اجلاس کے بعد سے اب تک چار اہم پیش رفتوں کا ذکر کیا ہے۔ سب سے پہلے; کرنٹ اکاؤنٹ خسارہ تیزی سے کم ہوا اور زرمبادلہ کے ذخائر جون 2024 کے اختتام پر 4.4 ارب ڈالر سے بڑھ کر 9 ارب ڈالر سے تجاوز کر گئے۔

تاہم، مجموعی ذخائر میں بنیادی طور پر قرضے کے ساتھ اوپن مارکیٹ آپریشنز شامل ہیں ۔ دوسرا یہ کہ اگرچہ پیر کی پریس کانفرنس کے دوران اسٹیٹ بینک کے حکام نے دعویٰ کیا کہ بینک نے انتظامی طور پر درآمدات کو روکنے کے لئے کوئی اقدامات نہیں کیے لیکن اعداد و شمار سے پتہ چلتا ہے کہ ایندھن کی درآمدات جولائی تا جون 2023 سے کم ہو کر 2024 میں 16 ارب ڈالر رہ گئی ہیں جو حکومت کی جانب سے ادائیگیوں کے توازن کو بہتر بنانے کی کوشش میں ایندھن کی درآمدات کو کم کرنے کے فیصلے کی عکاسی کرتی ہے۔

اس پالیسی کے خلاف کافی ناراضگی ہے کیونکہ اس کے وسیع پیمانے پر پیداواری سرگرمیوں پر اثرات مرتب ہوئے ہیں ، جسے ایم پی ایس میں ایک اور اہم پیش رفت کے طور پر تسلیم کیا گیا تھا: “جولائی میں کیے گئے سروے نے صارفین اور کاروباری اداروں دونوں کی بڑھتی ہوئی افراط زر کی توقعات اور اعتماد کو ظاہر کیا ہے۔

تیسری بات یہہ کہ آئی ایم ایف کے ساتھ 7 ارب ڈالر کا عملے کی سطح کا معاہدہ 12 جولائی کو طے پایا تھا تاہم اس پروگرام کی مدت کے لیے تینوں دوست ممالک سے 12 ارب ڈالر کے رول اوور حاصل کرنے کی پیشگی شرط اب بھی زیر غور ہے۔

اور آخر میں اور حیران کن طور پر، چونکہ پاکستانی معیشت نسبتا الگ تھلگ ہے ، ایم پی ایس نے کہا کہ “افراط زر کے دباؤ اور لیبر مارکیٹ کے حالات میں بہتری آئی ، ترقی یافتہ معیشتوں کے مرکزی بینکوں نے بھی اپنی پالیسی شرحوں میں کمی کرنا شروع کردی ہے۔ ایم پی ایس نے خسارے کی فنانسنگ کے لئے بینکوں پر بڑھتے ہوئے انحصار پر جائز تشویش کا اظہار کیا جو ”نجی شعبے کے لئے قرض لینے کی گنجائش کو کم کر رہا ہے“ حالانکہ اس نے اسے افراط زر کی اہم وجہ کے طور پر ظاہر نہیں کیا اور مجموعی میکرو اکنامک استحکام کی حمایت کے لئے ”مالی استحکام اور منصوبہ بند بیرونی سرمایہ کاری کی بروقت وصولی“ کے حصول پر زور دیا۔

خسارے کی فنانسنگ کیلئے مناسب شرح پر عالمی مارکیٹ تک رسائی ضروری ہے، جس کا انحصار تین بین الاقوامی ریٹنگ ایجنسیوں: فچ، موڈیز اور اسٹینڈرڈ اینڈ پورز کی طرف سے پاکستان کی درجہ بندی پر ہے، جس میں فچ کی طرف سے ہماری درجہ بندی میں بہتری کی گئی ہے.

اپ گریڈ سے متعلق دو مشاہدات ترتیب میں ہیں۔ پہلا; اپ گریڈ سے پہلے سی سی سی میں فچ اور سی اے اے 3 میں موڈیز کی درجہ بندی کے درمیان ہم آہنگی تھی ، جو قیاس آرائیوں کے زمرے میں سب سے کم اسپیکٹرم ہے - بہت زیادہ کریڈٹ رسک ، جو تقریبا ڈیفالٹ کٹ آف سے کچھ اوپر ہے۔

اسے سی سی سی پلس تک بڑھا کر فچ نے پاکستان کو اسی قیاس آرائی والے گریڈ یا بہت زیادہ کریڈٹ رسک میں برقرار رکھا حالانکہ ملک کو سی سی سی کی اگلی سطح کی بجائے سی سی سی + میں اپ گریڈ کیا گیا۔ اس کی وجہ یہ ہے کہ موڈیز بھی اسی طرح پاکستان کو سی اے اے 3 (فروری 2023) سے سی اے اے 2 کے بجائے سی اے اے 1 میں اپ گریڈ کرے گا۔

اسٹینڈرڈ اینڈ پورز نے 22 دسمبر 2022 سے پاکستان کو سی سی سی پلس کی درجہ بندی کی ہے اور اس درجہ بندی میں تبدیلی کا امکان نہیں ہے۔ ابھی تک یہ واضح نہیں ہے کہ آیا یہ اپ گریڈ ملک کو بیرونی طور پر مناسب شرح پر قرض لینے کے قابل بنائے گا یا نہیں۔

وزیر خزانہ بارہا کہہ چکے ہیں کہ آئی ایم ایف پیکج حاصل کرنے علاوہ کوئی پلان بی نہیں ہے اور عملے کی سطح پر ہونے والے معاہدے کے بعد ملک کی ریٹنگ میں بہتری متوقع ہے کیونکہ تمام پیشگی شرائط کو پورا کرنے کا عمل جاری ہے۔

پالیسی ریٹ میں کمی کو تقریبا یقینی طور پر آئی ایم ایف کی طرف سے اس بنیاد پر منظور کیا گیا کہ مارکیٹ کو مثبت سگنل بھیجنا ضروری تھا حالانکہ شکوک و شبہات رکھنے والے اسے بہت کم کہہ کر مسترد کرسکتے ہیں۔

تاہم، جو چیز سنجیدہ تشویش کا باعث بنی ہوئی ہے وہ یہ ہے کہ ان دو مثبت خبروں سے اس ملک کے عوام کی اکثریت کے حالات میں بہتری کا امکان نہیں ہے کہ وہ سمجھیں مالیاتی اور معاشی پالیسیاں صحیح راستے پر ہیں، اگر احتجاج جاری رہتا ہے اور زور پکڑتا ہے، تو حکومت کی فیصلہ لینے کی صلاحیت ختم ہوسکتی ہے۔ پاکستان یقینی طور پر اس طوفان کی زد میں ہے اور اس لیے کسی بھی طرح سے اس پر اطمینان کا اظہار نہیں کیا جاسکتا ہے۔

کاپی رائٹ بزنس ریکارڈر، 2024