پاکستان اسٹاک ایکسچینج (پی ایس ایکس) میں پیر کو مندی کا رجحان دیکھا گیا ہے جس کے نتیجے میں کے ایس ای 100 انڈیکس میں تقریباً 578 پوائنٹس کی کمی ہوئی ہے ۔
کے ایس ای 100 نے سیشن کا مثبت آغاز کیا اور انٹرا ڈے کی بلند ترین سطح 79,388.12 پر پہنچ گیا۔
تاہم، منافع لینے کے رجحان نے انڈیکس کو منفی زون میں دھکیل دیا۔
اختتام پر بنچ مارک انڈیکس 578.40 پوائنٹس یا 0.73 فیصد کی کمی سے 78,232.10 پر بند ہوا۔
آٹوموبائل اسمبلرز، سیمنٹ، کمرشل بینکوں، تیل و گیس کی تلاش کرنے والی کمپنیوں، او ایم سیز اور فارماسیوٹیکل سمیت اہم شعبوں میں فروخت دیکھی گئی۔
او جی ڈی سی، پی پی ایل، پی ایس او، ایس ای ایل، ایم سی بی اور ایم ای بی ایل سمیت انڈیکس ہیوی اسٹاکس میں مندی کا رجحان ہے ۔
گزشتہ دو روزہ کاروباری ہفتے کے دوران پی ایس ایکس میں تیزی کا رجحان دیکھا گیا اور بجٹ اعلان کے بعد سے اس میں تیزی آئی ہے جس کی وجہ بجٹ میں کوئی منفی ٹیکس تجاویز شامل نہیں ہے ۔
انٹر مارکیٹ سیکیورٹیز لمیٹڈ نے پیر کو ایک نوٹ میں کہا کہ مستقبل قریب میں مارکیٹ کے محدود رہنے کا امکان ہے۔
انہوں نے کہا کہ مارکیٹ کے لیے اگلا سنگ میل پارلیمنٹ میں بجٹ کی منظوری ہے کیونکہ پاکستان پیپلز پارٹی (پی پی پی) نے بظاہر اپنے خدشات کو پس پشت ڈال دیا ہے۔ اس سے بین الاقوامی مالیاتی فنڈ (آئی ایم ایف) کے ساتھ ایک نئے پروگرام کے لیے مذاکرات دوبارہ شروع کرنے کی راہ ہموار ہوگی۔
بروکریج ہاؤس کا خیال تھا کہ ملک میں عسکریت پسندوں کے خلاف ایک نئے فوجی آپریشن کا آغاز ایک مثبت قدم ہے۔ رپورٹ میں مزید کہا گیا کہ ممکنہ طور پر بہتر سیکیورٹی حالات غیر ملکی سرمایہ کاروں کے درمیان ایف ڈی آئی اور مارکیٹ کے تصور کے لئے اچھا اشارہ دیں گے۔
Comments