سونے کی فی تولہ قیمت 2 لاکھ 41 ہزار 300 روپے پر مستحکم

بین الاقوامی مارکیٹ میں سونے کے نرخ میں اضافے کے باوجود مقامی سطح پر سونے کی قیمتوں میں کوئی تبدیلی نہیں ریکارڈ کی گئی۔

عالمی بلین مارکیٹ میں سونا 3 ڈالرکے اضافے سے 2,335 ڈالر فی اونس کا ہوگیا ۔

بین الاقوامی مارکیٹ میں سونے کے نرخ میں اضافے کے باوجود مقامی سطح پر فی تولہ سونا 2 لاکھ 41 ہزار 300 روپے پر مستحکم رہا۔

اسی طرح دس گرام سونا 2 لاکھ 6 ہزار 876 روپے پر مستحکم رہا ۔

واضح رہے کہ ہفتے کو سونے کی فی تولہ قیمت میں 200 روپے کی کمی ہوئی ہے۔

دوسری جانب چاندی کی فی تولہ قیمت 2 ہزار 750 روپے پر مستحکم رہی۔

یاد رہے کہ اپریل میں مقامی مارکیٹ میں سونا 252,200 روپے فی تولہ کی بلند ترین سطح پر پہنچ گیا تھا۔