آئی ایم ایف پروگرام: ڈیزائن آڈٹ کی ضرورت ہے

عالمی مالیاتی فنڈ (آئی ایم ایف) سمیت کثیر الجہتی اداروں نے آزاد آڈٹ کمیٹیاں تشکیل دی ہیں جو کسی پروگرام کو ڈیزائن کرنے، سہ ماہی جائزے لینے اور پروگرام کی مجموعی کامیابی کا جائزہ لینے کے ذمہ دار محکموں سے آزاد ہیں۔

آئی ایم ایف کے الفاظ میں یہ “اپنے تمام آپریشنز کا آڈٹ کرتا ہے۔ آڈٹ میکانزم گورننس، شفافیت اور آفس آف انٹرنل آڈٹ (او آئی اے) کو بہتر بنانے کے لئے قائم کیا گیا ہے۔

بیرونی آڈٹ کمیٹی آئی ایم ایف کے محکموں کے سربراہان اور اس کے ایگزیکٹو بورڈ سے آزاد ہے۔

کمیٹی بورڈ آف گورنرز کو رپورٹ کرتی ہے اور آئی ایم ایف کے بیرونی آڈٹ، اندرونی آڈٹ، مالیاتی اکاؤنٹنگ اور رپورٹنگ، رسک مینجمنٹ اور اندرونی کنٹرول کے افعال کی نگرانی کی ذمہ دار ہے۔

او آئی اے ایک یقینی آزاد اور مشاورتی فنکشن ہے جو آئی ایم ایف کے تحفظ اور استحکام کے لئے ڈیزائن کیا گیا ہے۔

او آئی اے کا مینڈیٹ دو گنا ہے: (1) آئی ایم ایف گورننس، رسک مینجمنٹ کے عمل اور داخلی کنٹرول کی اثرات کا اندازہ لگانے اور بہتر بنانے کے لئے ایک منظم اور نظم و ضبط پر مبنی طریقہ کار لانا؛ اور (2) بہترین طریقوں اور مؤثر لاگت کنٹرول حلوں کی بہتری پر مشورہ دے کر آئی ایم ایف کے کاروباری عمل کو بہتر بنانے کے لئے مشیر اور محرک کے طور پر کام کرنا۔

پاکستان کے معاملے میں اس بات کے واضح ثبوت موجود ہیں کہ ایک کے بعد دوسری انتظامیہ نے ناقص پالیسی فیصلوں سے وابستہ ادائیگیوں کے توازن کے مسائل کو کم کرنے کے لئے آئی ایم ایف پروگرام پر انحصار کیا ہے۔ جس میں ان پٹ کی درآمد پر انحصار کرنے والی پیداواری بنیاد کو برقرار رکھنا بھی شامل ہے جس میں صرف ملکی طلب کے مقابلے میں سرپلس برآمد کیا جاتا ہے۔ جس کی وجہ سے درآمد شدہ ریفائنڈ ایندھن کے ساتھ ساتھ کھانا پکانے کا تیل اور لگژری اشیاء (کاریں، پرفیوم وغیرہ) پر مسلسل انحصار ہوتا ہے۔ جبکہ اس کے ساتھ ایک کے بعد دوسرے بجٹ میں اس بات کو یقینی بنایا ہے کہ طاقتور / اشرافیہ کا قبضہ برقرار رہے۔

تاہم چونکہ پاکستان کی حکومتوں نے عام طور پر سیاسی وجوہات کی بنا پر آئی ایم ایف کے پروگراموں کو درمیان میں ہی ترک کر دیا ہے لیکن یہ بات قابل ذکر ہے کہ تمام پروگرام (اب تک تمام 23) اس طرح بنائے گئے تھے: (1) مجموعی آمدنی میں اضافہ کرنا اور آئی ایم ایف دستاویزات میں ٹیکس نیٹ کو وسیع کرنے کی ضرورت پر توجہ دی گئی تھی، لیکن پروگراموں (منظوری اور عملے کی سطح کے جائزے) کے لئے پیشگی شرط ہدف کی آمدنی (موجودہ ذرائع سے حاصل ہونے والے) کے حصول پر مرکوز تھی۔ اثر و رسوخ رکھنے والوں/ اشرافیہ کو ٹیکس نیٹ میں لانے کے بجائے بالواسطہ ٹیکسوں پر زور رہا جن کا اثر امیروں کے مقابلے میں غریبوں پر زیادہ ہوتا ہے۔(ii) موجودہ اخراجات میں اضافے کے حوالے سے حکومت کو اجازت دی گئی، ایک ایسا نقطہ نظر جس کی پاکستانی عوام نے بھاری قیمت ادا کی ہے اور بھاری قیمت ادا کر رہی ہے کیونکہ اس کی وجہ سے نہ صرف بجٹ خسارے اور مہنگائی بڑھ رہی ہے، بلکہ اندرون ملک اور / یا بیرون ملک سے قرضوں پر پہلے سے کہیں زیادہ انحصار بھی بڑھا ہے - جس سے ایک طرف حکومت کے قرضوں میں اضافہ ہوا اور (مقامی سطح پر بھاری قرضے لینے کی صورت میں) دوسری طرف نجی شعبہ کا قرض بھی بڑھ گیا ہے۔

انتہائی پریشان کن بات یہ ہے کہ آئی ایم ایف نے اسٹینڈ بائی بندوبست دستاویزات کے دوسرے اور آخری جائزے میں کہا ہے کہ “نگران حکومت کو مالی سال 24 کے بنیادی سرپلس ہدف کو حاصل کرنے کے لئے فیصلہ کن کوششوں پر، سیاسی مصلحتوں پر قابو پانے پر اور قرضوں کو مستحکم طور پر نیچے کی طرف لے جانے کی کوشش کرنے پر سراہا جانا چاہئے۔

نگران حکومت نے ملکی قرضوں کو 42.88 ٹریلین روپے تک بڑھا دیا، یہ انتہائی افراط زر کی پالیسی تھی جس کی وجہ سے یونٹ بند ہونے کے ساتھ ساتھ بے روزگاری بھی ہوئی۔

اس کے علاوہ اس قرضے کا 60 فیصد پاکستان انویسٹمنٹ بانڈز میں تھا جو 22 فیصد کی پالیسی ریٹ کو مدنظر رکھتے ہوئے جو آئی ایم ایف کی ایک اور شرط ہے جس کی وجہ سے ملکی قرضوں پر سود کی ادائیگی ہوتی ہے۔ (iii) بنیادی افراط زر (نان فوڈ اور نان انرجی) کے بجائے 2019 سے کنزیومر پرائس انڈیکس (سی پی آئی) کے مقابلے میں پالیسی ریٹ مقرر کرنے پر زور دینا، جو کہ گزشتہ برسوں میں اسٹیٹ بینک آف پاکستان کا معمول تھا، غریبوں کیلئے روپے میں مزید کمی کا باعث بنا، جس کے نتیجے میں ہزاروں خاندان اپنے بچوں کو اسکول سے نکالنے پر مجبور ہوئے تاکہ وہ اپنے اہل خانہ کا پیٹ بھر سکیں: اپریل میں سی پی آئی 17.3 فیصد اور بنیادی افراط زر 13.1 فیصد تھا۔ جو اور توہین میں اضافہ تھا۔(iv) ملک کے آئین میں مداخلت جس کے لئے پارلیمنٹ میں دو تہائی اکثریت کی ضرورت ہوگی، آئینی ترمیم پر اقتصادی ٹیم کے رہنماؤں کی طرف سے دو اقدامات پر زور دیا جارہا ہے ، ایک نیشنل فنانس کمیشن ایوارڈ پر نظر ثانی، جس کا مقصد وفاقی حکومت کو تقسیم شدہ پول میں زیادہ سے زیادہ حصہ دینا ہے (ایک بہتر آپشن یہ ہوگا کہ 18 ویں ترمیم کے مطابق محکموں کی منتقلی پر توجہ دی جائے)،دوسرا امیر زمینداروں پر تنخواہ دار طبقے کے برابر ٹیکس لگایا جائے (ایک صوبائی معاملہ جس کے تحت صوبوں کو اس ذریعہ سے ضروری آمدنی پیدا کرنے کی ذمہ داری سونپی جانی چاہیے)۔

اس بات کے کافی ثبوت موجود ہیں کہ پاکستانی حکومت کی معاشی پالیسیاں ہمیں موجودہ تعطل کی طرف لے کر گئی ہیں۔ تاہم، اس کے ساتھ ہی، آئی ایم ایف کے آزاد آڈٹ ڈپارٹمنٹ کو نہ صرف ان ممالک میں اپنے پروگرام ڈیزائن کا آڈٹ کرنے کی اشد ضرورت ہے جہاں ناکامی بہت واضح ہے، بلکہ ایسی صورتوں میں بھی جہاں اس کے قرضے کچھ قابل قدر سبق حاصل کرنے میں کامیاب رہے ہیں.

کاپی رائٹ بزنس ریکارڈر، 2024