قطر سمیت بیشر خلیجی اسٹاک مارکیٹس گر گئیں

اتوار کے روز خلیجی ممالک میں اسٹاک مارکیٹس مندی کا شکار رہیں جس میں بڑا حصہ قطری اسٹاک مارکیٹ نے ڈالا۔ اسٹاک مارکیٹس میں مندی کا یہ سلسلہ امریکی فیڈرل ریزرو پالیسی مٹنگ کے سخت منٹس اور لچکدار اعداد و شمار کے بعد شرح سود میں کمی سے متعلق امکانات کم ہونے کے پیش نظر دیکھنے میں آیا ہے۔

قطری بینچ مارک انڈیکس تیسرے دن نیچے رہا اور یہ 1.7 فیصد گر کر 9,396 پوائنٹس پر آگیا ہے جو کہ تقریباً سات مہینوں میں اس کی کم ترین سطح ہے جبکہ تمام شعبوں میں نقصانات دیکھے گئے۔

قطر کے صنعتی شعبوں میں 1.3 فیصد اور قطر نیشنل بینک، جو خطے کا سب سے بڑا قرض دہندہ ہے، میں 2.2 فیصد کمی واقع ہوئی۔

سعودی عرب کا بینچ مارک انڈیکس 1.2 فیصد گر کر 11,851 پوائنٹس پر بند ہوا اور تمام شعبے منفی زون میں رہے۔ یہ سعودی بینچ مارک انڈیکس کی چار ماہ میں تقریبا سب سے کم ترین سطح ہے۔

دنیا کا سب سے بڑا اسلامی قرض دینے والا الراجحی بینک 1.4 فیصد اور سعودی آرامکو کے حصص 1 اعشاریہ 7 فیصد تک گرگئے۔ سعودی عرب، تیل کی بڑی کمپنی کا مالک، جون میں آرامکو میں اربوں ڈالر کے حصص کی فروخت کا منصوبہ بنا رہا ہے۔

تاہم، کویت آئل کمپنی کی جانب سے 2.42 بلین رال، (645 ملین ڈالر) کا معاہدہ ملنے کے بعد اڈیز ہولڈنگ میں 1.8 فیصد اضافہ ہوا۔

جمعرات کو امریکہ کے مضبوط معاشی اعداد و شمار نے مئی میں کاروباری سرگرمیوں میں تیزی کو ظاہر کیا اور بدھ کے روز جاری ہونے والے امریکی فیڈرل ریزرو کے کے سخت منٹس نے تاجروں کو اس سال شرح میں کمی کے اپنے اندازے واپس کرنے پر مجبور کیا۔

زیادہ تر خلیجی کرنسیوں کا حساب ڈالر سے لگایا جاتا ہے اور کسی بھی امریکی مالیاتی پالیسی میں تبدیلی عام طور پر سعودی عرب، متحدہ عرب امارات اور قطر کی طرف سے کی جاتی ہے۔

خلیج سے باہر مصر کے بلیو چپ انڈیکس میں 1.2 فیصد کا اضافہ ہوا جس میں ایسٹرن کمپنی کے 2.9 فیصد اور مدینیٹ مسر میں 4.3 فیصد اضافے کے ساتھ زیادہ تر شعبوں میں فائدہ ہوا۔

ڈویلپر نے اپنی پہلی سہ ماہی کے خالص منافع میں 286 فیصد اضافہ کیا۔

دریں اثنا مصر کے مرکزی بینک نے جمعرات کو سود کی شرحوں کو مستحکم رکھا۔ مرکزی بینک کا کہناہے کہ کہ اقتصادی ترقی کی رفتار سست تھی، نان فوڈ انفلیشن میں اضافے نے غذائی افراط زر میں مسلسل کمی کو پورا کیا ہے۔

جمعرات کو سعودی عرب کا انڈیکس 1.2 فیصد گر کر 11,851 پوائنٹس پر آگیا۔

کویت کا انڈیکس 7,783 پوائنٹس کی ہموار سطح پر بند ہوا۔

قطر 1.7 فیصد گر کر 9,396 پوائنٹس پر آگیا۔

مصری انڈیکس 1.2 فیصد بڑھ کر 27,539 پر پہنچ گیا۔

بحرین کا انڈیکس 2,020 پوائنٹس کی ہموار سطح پر بند ہوا۔

عمان کا انڈیکس 0.1 فیصد بڑھ کر 4,806 پر آگیا۔