گیس کی قیمتوں کا تعین پاکستان کے توانائی کے منظر نامے کو بدل دے گا

ایک ایسے اقدام میں جو ملک کے توانائی کے منظر نامے کو نئی شکل دے سکتا ہے، حکومت اب پورے نظام میں ڈبلیو اے سی او جی (گیس کی وزن پر اوسط قیمت) کے نفاذ پر سنجیدگی سے غور کر رہی ہے۔ اس اقدام کا مقصد موجودہ گیس کی قیمتوں کے تعین کے نظام کو درپیش بگاڑ کو دور کرنا ہے، جس کی وجہ سے تقریباً 3 ٹریلین روپے کا گردشی قرضہ ہے۔

وزیراعظم کے دفتر کی طرف سے تشکیل دی گئی ایک اعلیٰ اختیاراتی کمیٹی کو 7 دنوں کی مختصر ڈیڈ لائن کے اندر ڈبلیو اے سی او جی کی فزیبلٹی بنانے کا کام سونپا گیا ہے، ممکنہ تبدیلی کیلئے اسٹیج تیار ہے۔ اس کمیٹی کے ٹی او آرز مختلف شعبوں پر ڈبلیو اے سی او جی کے اثرات کا مطالعہ کرنے کی فوری ضرورت پر زور دیتے ہیں، جس میں گردشی قرضے کو کم کرنا، بجلی اور کھاد کی قیمتوں میں کمی، اور مجموعی اقتصادی استحکام کو بڑھانا شامل ہے۔

مندرجہ ذیل پیراگراف میں ٹی او آرز کا جائزہ لینے کی کوشش کی گئی ہے اور آگے بڑھنے کے راستے کے طور پر ان میں سے ہر ایک کے بارے میں کچھ خیالات پیش کرنے کی کوشش کی گئی ہے۔ یہ بات قابل ذکر ہے کہ حکومت نے مقامی گیس کی پیداوار میں بتدریج لیکن مسلسل کمی اور ملک میں گیس صارفین کے تمام طبقات کی طرف سے بڑھتی ہوئی مانگ کے پیش نظر ایل این جی کی درآمد کا سہارا لیا تھا۔ اگرچہ مہنگی ایل این جی بجلی کے شعبے میں خصوصی استعمال کے لیے درآمد کی گئی تھی اور اس کی قیمتوں پر روک لگا دی گئی تھی، حال ہی میں اسے دوسرے صارفین کی طرف موڑ دیا گیا ہے۔

یہ نوٹ کرنا ضروری ہے کہ ملک میں ایل این جی 1,100 روپے کی اوسط گھریلو فروخت کی قیمت کے مقابلے میں 3700 روپے / ایم ایم بی ٹی یو کی بھاری قیمت پر درآمد کی جارہی ہے۔ یہاں تک کہ اوگرا (آئل اینڈ گیس ریگولیٹری اتھارٹی) کی طرف سے مقرر کردہ اوسط قیمت بھی 1,673 روپے/ایم ایم بی ٹی یو ہے۔

مالی سال 2022-23 سے فروخت کی قیمت میں تاخیر سے نظرثانی کی وجہ سے صرف ٹیرف سے متعلقہ شارٹ فال 423 ارب روپے ہے۔ جس کے لیے ابھی تک کوئی ریکوری میکانزم وضع نہیں کیا گیا۔ مالی سال 2022-23 تک ایل این جی کے کاروبار میں شارٹ فال 284 ارب روپے تھا، جس کی ریکوری بھی زیر التوا ہے۔

حکومت کی جانب سے فروخت کی قیمت میں اضافے کے باوجود رواں مالی سال کا متوقع شارٹ فال 70 ارب روپے سے تجاوز کرنے کا امکان ہے۔ جس کی بنیادی وجہ جولائی 2023 کے بجائے تاخیر سے نومبر 2023 سے فروخت کی قیمتوں میں اضافہ کرنا ہے۔اس لئے مجموعی شارٹ فال 750 ارب روپے سے بڑھ جاتا ہے، جس میں کمی کے اقدامات ابتک نہیں کیے جا رہے ہیں۔

واضح طور پر اس قسم کی سبسڈیز ایل این جی کے گھریلو صارفین کو موجودہ میکانزم کے تحت جاری نہیں رہ سکتی۔ حال ہی میں حکومت نے ریونیو کی ضرورت کے مطابق مقامی گیس صارفین سے ایل این جی کی مد میں ریکوری کی اجازت دی ہے لیکن اس میں ایک سال تک کا وقفہ بھی شامل ہے۔

یہ مسائل صرف اسی صورت میں حل ہو سکتے ہیں جب ایل این جی اور سسٹم گیس کا نظام وسیع ڈبلیو اے سی او جی قائم کیا جائے تاکہ مزید قرض جمع نہ ہواور گیس کی قیمت بین الاقوامی قیمتوں میں تبدیلی کے ساتھ ایک خودکار ایڈجسٹمنٹ کے عمل کے ذریعے بدلتی رہے۔ پاور سیکٹر میں موجودہ نظام میں کئی مہینوں تک عوامی سماعتوں کے انعقاد کی مشق کافی تاخیر کا باعث بنتی ہے۔

توانائی کی کمی کے شکار شمالی علاقے بالخصوص پنجاب کی 50 فیصد سے زیادہ سپلائی ایل این جی پر مشتمل ہے۔ یہ مہنگی درآمدی گیس سال کے بیشتر حصے میں مسلسل گھریلو سیکٹر کی طرف بھیج دی جاتی ہے۔ سردیوں میں، گھریلو طلب کو پورا کرنے کے لیے مقامی گیس کافی نہیں ہوتی جس کی وجہ سے ایل این جی کا بہت بڑا حصہ ان کو منتقل ہو جاتا ہے۔

باقی سال کے دوران، پاور سیکٹر کی طلب میں بڑے پیمانے پر اتار چڑھاؤ کی وجہ سے گھریلو سیکٹر کی طرف ایل این جی کا رخ موڑنا ضروری ہوتا ہے۔ یہ گیس سیکٹر میں لیکویڈیٹی کی کمی اور گردشی قرضے کی بنیادی وجہ ہے۔

ڈبلیو اے سی او جی کو متعارف کرانے سے سسٹم گیس فیلڈز کو بند کرنے کا مسئلہ بھی حل ہو جائے گا۔ پاور سیکٹر کی طرف سے آرڈر کی مانگ کو پورا کرنے سے انکار کی صورت میں معاہدہ شدہ ایل این جی بیچنے کیلئے سسٹم گیس فیلڈز کو بند کرنا پڑتا ہے۔ چیزوں کی موجودہ اسکیم اور منتشرسوچ کے تحت ہم زیادہ دیر تک خودمختار قرضوں سے بچ نہیں سکیں گے۔

ہمیں یہ سمجھنا چاہیے کہ ہمیں ماہانہ تقریباً 10 ایل این جی کارگو مل رہے ہیں، جو کہ تقریباً ایک بی سی ایف، ایل این جی سپلائیز ہیں جو ایس این جی پی ایل کے لیے 50 فیصد سے زیادہ سپلائیز پر مشتمل ہے۔ یہاں تک کہ ایس ایس جی سی کے معاملے میں اب 20 فیصد ایل این جی پر مشتمل سپلائی کا سہارا لیا جارہا ہے اور ایس ایس جی سی کے نظام میں یہ صورتحال بہت تیزی سے خراب ہونے کا امکان ہے جبکہ ان کی مقامی گیس کی سپلائی تیزی سے کم ہو رہی ہے۔ لہذا، یہ ضروری ہے کہ گیس کی ایک ہی وزنی اوسط قیمت کا اطلاق تمام صوبوں اور صارفین کے تمام زمروں پر اس مقصد کے ساتھ کیا جائے کہ:

a) صنعت کو ڈبلیو اے سی او جی کی فراہمی سے ملک میں معاشی سرگرمیوں کو تقویت ملے گی جو صرف اس صورت میں ہو سکتی ہے جب انہیں ایندھن کی کم یا حقیقی قیمتیں فراہم کی جائیں۔ پوری دنیا میں بلک صارفین کو انفرادی گھرانوں کے مقابلے میں کم قیمتوں میں ایندھن فراہم کیا جاتا ہے جبکہ پاکستان میں بالکل ایسا نہیں ہے۔ یہ ایک بڑا عدم مساوات ہے جو مقامی صنعتی پیداوار کی حوصلہ شکنی کرتی ہے کیونکہ درآمد شدہ مصنوعات خاص طور پر پڑوسی ممالک سے کافی سستی ہوتی ہیں۔

b) ڈبلیو اے سی او جی مقامی گیس فراہم کرنے والوں کو بروقت ادائیگیوں کو یقینی بنائے گا جبکہ ایل این جی پر انحصار کم کرنے اور پاکستان میں گیس کی طویل مدتی قیمتیں خاص طور پر پاکستانی روپے میں نیچے لانے کو بھی یقینی بنائے گا۔ ایل این جی کی درآمد پر انحصار نے نہ صرف ہمارے زرمبادلہ کے بوجھ میں اضافہ کیا، بلکہ اس میں کمی کے ساتھ مقامی گیس کی پیداوار کو بھی بری طرح متاثر کیا جس کیلئے ملک میں اب بھی بہت گنجائش ہے۔

ماری پیٹرولیم اور دیگر ایکسپلوریشن اور پروڈکشن کمپنیوں کی حالیہ دریافتوں نے ثابت کیا ہے کہ مقامی گیس کی سپلائی کو بڑھانے کی کافی صلاحیت موجود ہے۔ جب ہم بجلی کی قیمتوں کو کم کرنے کے لیے درآمدات کو کم کرنے یا معطل کرنے کا منصوبہ بنا سکتے ہیں، تو یہی بات ایل این جی پر انحصار کم کرنے کے لیے بھی درست ہے اور تمام وسائل کو مقامی گیس کی پیداوار کی طرف موڑنا ہوگا۔

یہاں تک کہ ہم اپنے دوست ممالک جیسے قطر سے کچھ کارگوز کو کم کرنے کے لیے بات کر سکتے ہیں تاکہ مہنگے کارگو کو مقامی شعبے کی طرف موڑنے کے بجائے ہم ان وسائل کو مقامی سپلائرز کو بروقت ادائیگیوں اور گردشی قرضوں کے خاتمے کو یقینی بنانے کے لیے استعمال کر سکیں۔

قومی ڈبلیو اے سی او جی تقریباً 2,300 روپے/ایم ایم بی ٹی یو ہے۔ اس سے گھریلو قیمتیں بڑھ جائیں گی لیکن وہ پھر بھی ایل این جی اور ایل پی جی کی قیمتوں سے کہیں کم ہوں گی۔ اس سے مارکیٹ کی خامیاں دور ہو جائیں گی۔ ہم مہنگے وسائل کو ان کی قیمتوں سے کم قیمت پر فروخت کرنے کے متحمل نہیں ہو سکتے۔

جو بھی ملک ایسا کرے گا وہ دیوالیہ ہو جائے گا۔ اگر ہم درآمدی ایندھن جیسے پیٹرول، ڈیزل اور یہاں تک کہ بجلی کی بھی اصل قیمت وصول کر سکتے ہیں تو توانائی کے شعبے کے استحکام کے لیے گیس کے معاملے میں بھی ایسا ہی کرنے کی ضرورت ہے۔ بے نظیر انکم سپورٹ پروگرام(بی آئی ایس پی) کے ذریعے رجسٹرڈ گیس صارفین کو براہ راست سبسڈی دے کر غریب ترین لوگوں کو تحفظ فراہم کرنے کا آپشن ہمیشہ موجود رہے گا جبکہ موجودہ طرز عمل جہاں صارفین کی اکثریت سال میں 8 سے 9 ماہ کے دوران نچلے سلیب میں آتی ہے باقی دنیا کی طرح رکنے کی ضرورت ہے۔ کراس سبسڈی صرف مارکیٹ کی خامیوں میں اضافہ کرتی ہے۔

پنجاب کی صنعتوں سے کیپٹیو سمیت ایل این جی کا ریٹ وصول کیا جا رہا ہے۔ گیس پیدا کرنے والے صوبوں میں پراسیس اور کیپٹیو پر بالترتیب 2,150 روپے / ایم ایم بی ٹی یو اور2,750 / یم ایم بی ٹی یو روپے وصول کیے جاتے ہیں۔کیپٹیو کی کھپت پراسیس سے کہیں زیادہ ہے۔ اس لیے ڈبلیو اے سی او جی کا گیس پیدا کرنے والے صوبوں کی صنعتوں پر بھی کوئی اثر نہیں پڑے گا۔

ملک بھر میں کمرشل صارفین سے پہلے ہی تقریباً 3,900 روپے/ ایم ایم بی ٹی یو وصول کیے جاتے ہیں، جو کہ اب بھی ایل این جی سے زیادہ ہے اور اس کا کوئی مطلب نہیں ہے اور اس طرح معاشی سرگرمیوں میں رکاوٹ پیدا ہوتی ہے اور مہنگائی بڑھ جاتی ہے۔ ڈبلیو اے سی او جی اس وجہ سے بھی مدد کرے گا۔

اس کے علاوہ، فی الحال کھاد پر ایل این جی کی قیمت وصول کی جاتی ہے جبکہ وہ صرف 1,597 روپے / ایم ایم بی ٹی یو ادا کرتے ہیں جبکہ قیمت کا فرق دوبارہ ایل این جی کی قیمت پر ڈال دیا جاتا ہے، جو کہ گزشتہ 2 سالوں میں تیزی سے روپے کی قدر میں کمی کی وجہ سے پہلے ہی بہت مہنگا ہے۔ ڈبلیو اے سی او جی قیمت کے فرق کو بھی کم کر دے گا۔

یہ ایک مزید شفاف، موثر، اور مساوی گیس کی قیمتوں کے تعین کے طریقہ کار کو فروغ دینے کی طرف ایک جرات مندانہ قدم ہے جو توانائی کے روشن مستقبل کی بنیاد رکھے گا۔

کاپی رائٹ بزنس ریکارڈر، 2024