کراچی میں جاپانی باشندوں کی گاڑی پر خودکش حملہ ناکام، بمبار فائرنگ سے ہلاک

کراچی میں پولیس نے جاپانی شہریوں کی گاڑی پرخودکش حملے کی کوشش کرنے والے بمبارکو فائرنگ کرکے ہلاک کردیا ۔ پولیس ترجمان کے مطابق خودکش بمبار نے 5 جاپانی باشندوں کو لیکر جانے والی ایک گاڑی کو نشانہ بنانے کی کوشش کی، تاہم وہ تمام محفوظ ہیں۔

پولیس ترجمان ابرار حسین بلوچ نے بتایا کہ بچ جانے والے جاپانی افراد کو پولیس کی تحویل میں محفوظ مقام پر منتقل کر دیا گیا ہے۔

فوری طور پر کسی عسکریت پسند گروپ کی جانب سے حملے کی ذمہ داری قبول نہیں کی گئی۔