تیل کی قیمتوں میں کمی

بدھ کو تیل کی قیمتوں میں اس وقت کمی آئی جب امریکی حکومت کے اعداد و شمار کے مطابق خام تیل اور ایندھن کی طلب اور برآمدات میں کمی توقع سے کہیں زیادہ رہی ہے۔

5 اپریل کو ختم ہونے والے ہفتے میں امریکی خام تیل کے ذخائر میں 5.8 ملین بیرل کا اضافہ ہوا، جو تقریباً 2.4 ملین بیرل اضافے کے تجزیہ کاروں کے اندازوں سے دوگنا ہے۔

پٹرول میں 700,000 بیرل اور ڈسٹلیٹ اسٹاک میں 1.7 ملین بیرل کا غیر متوقع اضافہ ہوا ہے۔

یو ایس انرجی انفارمیشن ایڈمنسٹریشن (EIA) کے اعداد و شمار کے مطابق تیل کی مصنوعات میں تقریباً 2.1 ملین بیرل یومیہ (bpd) کمی ہوئی جبکہ خام تیل کی برآمدات میں 2.7 ملین bpd کی کمی بھی ریکارڈ کی گئی۔

برینٹ کروڈ آئل صبح 11:06 بجے پر 28 سینٹ یا 0.3 فیصد گر کر 89.14 ڈالر فی بیرل پر آگیا۔ یو ایس ویسٹ ٹیکساس انٹرمیڈیٹ کروڈ فیوچر آئل 35 سینٹ یا 0.4 فیصد گر کر 84.88 ڈالر پر آ گیا۔ منگل کو، برینٹ اور ڈبلیو ٹی آئی دونوں 1 فیصد سے زیادہ گر گئے۔

سنگاپور میں آئی جی کے مارکیٹ تجزیہ کار ٹونی سائکامور نے کہا، “غزہ میں جنگ بندی کی توقع سے اور اعلیٰ امریکی انوینٹریز کے اعدادوشمار کی وجہ سے تیل کی قیمتوں میں کمی ہوئی ہے۔

ادھر ایران میں پاسداران انقلاب کی بحریہ کے کمانڈر نے کہا کہ اگر ضرورت پڑی تو وہ آبنائے ہرمز کو بند کر سکتے ہیں۔ دنیا کی کل تیل کی کھپت کا تقریباً پانچواں حصہ روزانہ آبنائے ہرمز سے گزرتا ہے۔

منگل کے روز، حماس نے کہا کہ جنگ بندی پر اسرائیلی تجویز فلسطینیوں کے مطالبات کو پورا نہیں کرتی، لیکن وہ اس پیشکش پر مزید غور کرینگے اور اپنا جواب ثالثوں تک پہنچائیں گے۔

غزہ کی جنگ دوسرے ممالک میں پھیل سکتی ہے، خاص طور پر حماس کے حمایتی ایران، جو کہ پیٹرولیم برآمد کرنے والے ممالک کی تنظیم اوپیک میں تیسرا سب سے بڑا حصہ دار ہے۔

ادھر یو ایس ای آئی اے نے خام تیل کی پیداوار میں تیزی سے اضافے کی پیش گوئی کی ہے۔ انہیں 2024 میں 280,000 bpd سے 13.21 ملین bpd تک اضافے کی توقع ہے، جو کہ اس کی 20,000 bpd اضافے کی پہلے کی پیش گوئی سے زیادہ ہے۔

ای آئی اے نے کہا کہ اسے توقع ہے کہ 2024 میں برینٹ کروڈ کی قیمتیں اوسطاً 88.55 ڈالر فی بیرل رہیں گی، جو کہ گزشتہ 87 ڈالر کی پیشن گوئی سے زیادہ ہے، اور انہوں نے پچھلے دو سالوں کے لیے اپنی طلب میں اضافے کی پیشن گوئی پر بھی نظرثانی کی ہے۔

فِچ نے مالی خطرات کا حوالہ دیتے ہوئے چین کی ر کریڈٹ ریٹنگ کو منفی کر دیا ہے۔