پاکستان میں سونے کی قیمت نئی بلند ترین سطح پر پہنچ گئی

بین الاقوامی مارکیٹ میں سونے کے نرخ میں اضافے کے بعد جمعرات کے کاروباری روز پاکستان میں بھی سونے کی قیمتوں میں اضافہ ہوا ہے اور اب قیمتیں نئی بلند رین سطح پر پہنچ گئی ہیں۔ مقامی صرافہ مارکیٹوں میں سونے کی فی تولہ قیمت 500 روپے اضافے کے بعد 3 لاکھ 25 ہزار 500 روپے ہوگئی۔

آل پاکستان جیمز اینڈ جیولرز صرافہ ایسوسی ایشن (اے پی جی جے ایس اے) کے مطابق 10 گرام سونے کی قیمت 428 روپے اضافے کے بعد 2 لاکھ 79 ہزار 63 روپے ہوگئی۔

عید کی تعطیلات کے دوران صرافہ بازار بند رہا۔

اے پی جی جے ایس اے کے مطابق جمعرات کو سونے کے بین الاقوامی نرخ میں بھی اضافہ ہوا ہے اور 5 ڈالر کے اضافے کے بعد فی اونس سونے کی قیمت 3،089 ڈالر ہوگئی ہے۔

دوسری جانب چاندی کی فی تولہ قیمت 3 ہزار 580 روپے پر مستحکم رہی۔