سونے کی فی تولہ قیمت میں 2380 روپے کا اضافہ

مقامی اور بین الاقوامی مارکیٹوں میں جمعہ کے روز سونے کی قیمتوں میں اضافے کا سلسلہ جاری رہا۔ پاکستان میں سونے کی فی تولہ قیمت 2 ہزار 380 روپے اضافے کے بعد 3 لاکھ 23 ہزار 380 روپے ہوگئی۔

آل پاکستان جیمز اینڈ جیولرز ایسوسی ایشن (اے پی جی جے ایس اے) کے مطابق 10 گرام سونے کی قیمت 2041 روپے اضافے کے بعد 2 لاکھ 77 ہزار 246 روپے ہوگئی۔

جمعہ کو سونے کے بین الاقوامی نرخ میں بھی اضافہ ہوا۔ اے پی جی جے ایس اے کے مطابق فی اونس سونے کی قیمت 3,074 ڈالر تھی، جس میں کاروباری دن کے دوران 22 ڈالر کا اضافہ ہوا۔

یاد رہے کہ جمعرات کو سونے کی فی تولہ قیمت 3200 روپے اضافے سے 3 لاکھ 21 ہزار روپے ہوگئی تھی۔

دوسری جانب پاکستان میں سونے کی فی تولہ قیمت 30 روپے اضافے سے 3 ہزار 610 روپے ہوگئی۔