بیرونی قرضوں کی ادائیگی: اسٹیٹ بینک کے زرمبادلہ ذخائر 6 ماہ کی کم ترین سطح پر

اسٹیٹ بینک آف پاکستان (ایس بی پی) کے زرمبادلہ کے ذخائر ہفتہ وار بنیادوں پر 54 کروڑ ڈالر کم ہوکر 21 مارچ کو ختم ہونے والے کاروباری ہفتے میں 10 ارب 61 کروڑ ڈالر رہ گئے۔ اسٹیٹ بینک کی جانب سے اس ضمن میں جمعرات کو تازہ اعداد و شمار جاری کیے گئے ہیں۔

ملک کے کل مائع زرمبادلہ کے ذخائر 15.55 ارب ڈالر رہے۔ کمرشل بینکوں کے پاس موجود خالص زرمبادلہ کے ذخائر 4.94 ارب ڈالر رہے۔

اعداد و شمار سے ظاہر ہورہا ہے کہ اسٹیٹ بینک کے ذخائر چھ ماہ کی کم ترین سطح پر آ گئے ہیں جس کی وجہ مرکزی بینک نے بیرونی قرضوں کی ادائیگی کو قرار دیا ہے۔

اعلامیے کے مطابق 21 مارچ 2025 کو ختم ہونے والے ہفتے کے دوران اسٹیٹ بینک کے ذخائر 54 کروڑ ڈالر کم ہو کر 10 ہزار 60 کروڑ 68 لاکھ ڈالر رہ گئے۔

گزشتہ ہفتے اسٹیٹ بینک کے زرمبادلہ کے ذخائر میں 49 ملین ڈالر کا اضافہ ہوا تھا۔