سونا مسلسل دوسرے روز بھی سستا

عالمی و مقامی مارکیٹوں میں مسلسل دوسرے روز سونے کی قیمتوں میں کمی ریکارڈ کی گئی ۔

عالمی بلین مارکیٹ میں ہفتے کو سونا 9 ڈالر کی کمی سے 3022 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں کمی کے باعث مقامی سطح پر بھی فی تولہ سونا 800 روپے کی کمی سے 3 لاکھ 18 ہزار روپے کا ہوگیا۔

اسی طرح دس گرام سونے کی قیمت 686 روپے کی کمی سے 2 لاکھ 72 ہزار 633 روپے ہوگئی۔

یاد رہے کہ جمعہ کو سونے کی فی تولہ قیمت میں 2 ہزار روپے کی کمی ریکارڈ کی گئی تھی۔

دوسری جانب پاکستان میں چاندی کی فی تولہ قیمت 3 ہزار 475 روپے پر مستحکم رہی۔

واضح رہے کہ جمعرات کو سونے کی فی تولہ قیمت ایک ہزار 800 روپے اضافے سے 3 لاکھ 20 ہزار 800 روپے کی بلند ترین سطح پر پہنچ گئی تھی۔