سونے کی فی تولہ قیمت میں 3 ہزار روپے کا اضافہ

عالمی و مقامی مارکیٹوں میں جمعہ کو سونے کی قیمتوں میں نمایاں اضافہ ریکارڈ کیا گیا۔

عالمی بلین مارکیٹ میں سونا 28 ڈالر کے اضافے سے 2921 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں اضافے کے باعث مقامی سطح پر بھی فی تولہ سونا 3 ہزار روپے کے بڑے اضافے سے 3 لاکھ 7 ہزار روپے پر جاپہنچا۔

اسی طرح دس گرام سونے کی قیمت 2 ہزار 571 روپے کے نمایاں اضافے سے 2 لاکھ 63 ہزار 203 روپے ہوگئی۔

یاد رہے کہ جمعرات کو سونے کی فی تولہ قیمت 3 ہزار روپے کی کمی سے 3 لاکھ 4 ہزار روپے ہوگئی تھی۔

دوسری جانب چاندی کی فی تولہ قیمت 31 روپے کے اضافے سے 3 ہزار 400 روپے ہوگئی۔