سونے کی قیمت میں اچانک بڑی کمی

عالمی و مقامی مارکیٹوں میں سونے کی قیمتوں میں اچانک بڑی کمی دیکھی گئی ۔

عالمی بلین مارکیٹ میں سونا 50 ڈالر کی بڑی کمی سے 2883 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں نمایاں کمی کے باعث مقامی سطح پربھی فی تولہ سونا 4700 روپے کی بھاری کمی سے 3 لاکھ ایک ہزار 500 روپے کا ہوگیا۔

اسی طرح 10 گرام سونا 4030 روپے کم ہوکر 2 لاکھ 58 ہزار487 روپے ریکارڈ کیا گیا۔

یاد رہے کہ جمعہ کو سونے کی فی تولہ قیمت 2200 روپے کے بڑے اضافے سے 3 لاکھ 6 ہزار 200 روپے کی نئی بلند ترین سطح پرجا پہنچی تھی۔

دریں اثنا چاندی کی فی تولہ قیمت 87روپے کی کمی سے 3 ہزار 363 روپے ہوگئی۔