سونے کی فی تولہ قیمت نئی بلند ترین سطح پر پہنچ گئی

بین الاقوامی مارکیٹ میں سونے کے نرخوں میں اضافے کے بعد پاکستان میں بھی سونے کی قیمتوں میں ریکارڈ اضافے کا سلسلہ جاری ہے۔ مقامی صرافہ مارکیٹوں میں ہفتے کے روز سونے کی فی تولہ قیمت 400 روپے اضافے سے 2 لاکھ 92 ہزار 200 روپے ہوگئی۔

آل پاکستان جیمز اینڈ جیولرز صرافہ ایسوسی ایشن (اے پی جی جے ایس اے) کے مطابق 10 گرام سونے کی قیمت 343 روپے اضافے کے بعد 2 لاکھ 50 ہزار 514 روپے ہوگئی۔

پاکستان میں جمعہ کو سونے کی فی تولہ قیمت 1500 روپے اضافے سے 2 لاکھ 91 ہزار 800 روپے کی بلند ترین سطح پر پہنچ گئی تھی۔

دریں اثناء ہفتہ کے روز سونے کی بین الاقوامی قیمت میں اضافہ ہوا۔ اے پی جی جے ایس اے کے مطابق فی اونس سونے کی قیمت 2,797 ڈالر تھی اور کاروباری دن کے دوران اس کی قیمت میں 5 ڈالرکا اضافہ ہوا۔

دوسری جانب چاندی کی فی تولہ قیمت 30 روپے کمی سے 3 ہزار 270 روپے ہوگئی۔