انٹرا ڈے اپ ڈیٹ: ڈالر کے مقابلے روپے کی قدر میں اضافہ

انٹربینک مارکیٹ میں پیر کو کاروبار کے ابتدائی سیشن کے دوران ڈالر کے مقابلے روپے کی قدر میں 0.01 فیصد کا اضافہ ریکارڈ کیا گیا۔

صبح 10 بجکر 20 منٹ پر ڈالر کے مقابلے روپیہ 0.04 پیسے کے اضافے سے 277.60 روپے پر جاپہنچا۔

گزشتہ ہفتے ڈالر کے مقابلے میں روپے کی قدر میں 0.20 روپے یا 0.07 فیصد اضافہ دیکھا گیا تھا۔

اسٹیٹ بینک آف پاکستان (ایس بی پی) کے مطابق گزشتہ ہفتے ڈالر 277.64 پر بند ہوا تھا۔

یاد رہے کہ گزشتہ ہفتے کے دوران پاکستان کو بین الاقوامی مالیاتی فنڈ (آئی ایم ایف) سے 760 ملین ڈالر کی خصوصی ڈرائنگ رائٹس (ایس ڈی آر) کی پہلی قسط موصول ہوئی جو 1.03 ارب ڈالر کے مساوی ہے۔

وزیر خزانہ محمد اورنگزیب نے کہا ہے کہ آئی ایم ایف کا تازہ معاہدہ پاکستان کا حتمی معاہدہ بنانے کیلئے معیشت کے ’ڈی این اے‘ کو بنیادی طور پر تبدیل کرنے کی ضرورت ہے۔ وفاقی وزیر نے یہ بھی کہا کہ پاکستان کو اصلاحات کے حصے کے طور پر نقدی پر مبنی معیشت کے خلاف ”جوہری جنگ“ کا اعلان کرنا چاہئے۔

عالمی سطح پر امریکی ڈالر اجناس کی کرنسیوں کے مقابلے میں تنزلی کی جانب گامزن ہے جس کی وجہ سرمایہ کاروں کی چین کی معیشت میں تبدیلی کی توقعات ہیں۔

گزشتہ ہفتے امریکی فیڈرل ریزرو کے پسندیدہ افراط زر کے اقدام سے ظاہر ہوتا ہے کہ اگست تک 12 ماہ کے دوران افراط زر کی شرح 2.2 فیصد رہی جس سے امریکی پیداوار اور ڈالر کی قدر میں کمی واقع ہوئی۔

یہ انٹرا ڈے اپ ڈیٹ ہے